Վլադիմիր Գասպարյանի թիկնազորի նախկին պետը մեղադրվում է մոտ 7 մլն դրամի գույքը թաքցնելու մեջ30 նոյեմբերի 2021 - 15:11 AMT PanARMENIAN.Net - ՀՀ նախկին ոստիկանապետ Վլադիմիր Գասպարյանի թիկնազորի պետ, ոստիկանության նախկին պաշտոնյա Արշակ Հակոբյանին մեղադրանք է առաջադրվել առանձնապես խոշոր չափի գույքի և եկամուտների հայտարարագրման տվյալները թաքցնելու և փողերի լվացման համար, մասնավորապես մոտ 7 մլն դրամ արժեքով տունը, մեքենաները թաքցնելու համար: Այս մասին հայտնել են Հակակոռուպցիոն կոմիտեից, տեղեկացնում է «Հայկական ժամանակը»։ Քրգործի նախաքննության ընթացքում ձեռք են բերվել բավարար ապացույցներ, ըստ որոնց՝ Հակոբյանը, 2017-ի հուլիսի 1-ի դրությամբ զբաղեցնելով ոստիկանության համապատասխան ստորաբաժանման ղեկավարի պաշտոնը և լինելով հայտարարատու պաշտոնատար անձ, Բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում դիտավորությամբ թաքցրել է հայտարարագրման ենթակա տվյալները, որը հանգեցրել է առանձնապես խոշոր չափերով գույքի չհայտարարագրմանը, ինչպես նաև օրինականացրել է հանցավոր ճանապարհով ստացված առանձնապես խոշոր չափերով գույքը՝ 22,007,259 դրամը: Ըստ առաջադրված մեղադրանքի՝ Հակոբյանը, 2017-ին ներկայացրած հայտարարագրերում, ինչպես նաև 2018-ին ներկայացրած՝ պաշտոնը դադարեցնելու հայտարարագրում դիտավորյալ թաքցրել է հայտարարագրման ենթակա՝ սեփականության իրավունքով իրեն պատկանող, առանձնապես խոշոր չափերի՝ ավելի քան 7 մլն դրամ կադաստրային արժեքով տունը: Այս ամենից բացի, Հակոբյանը 2017-ի տարեկան հայտարարագրում դիտավորությամբ թաքցրել և չի հայտարարագրել նույն տարեթվին նվիրատվության պայմանագրով ձեռք բերված և նվիրատվության պայմանագրով օտարված՝ համապատասխանաբար 2017-ի արտադրության, 90,000 դոլարին համարժեք 43,069,500 դրամ արժեքով Mersedes-Benz GLS 500 4matik մակնիշի և 2008-ի արտադրության Samand Soren 1.8 մակնիշի ավտոմեքենաները: Մասնավորապես՝ Հակոբյանը տրանսպորտային միջոցը գնելու գործարքը ձևակերպել է իբրև նվիրատվություն և այդ եղանակով փաստացի թաքցրել ու խեղաթյուրել իր ունեցած՝ հանցավոր ճանապարհով ստացված առանձնապես խոշոր չափերի՝ 22,007,259 դրամ կանխիկ գումարի իրական ծագումը: Արշակ Հակոբյանին կալանավորելու միջնորդություն է ներկայացվել դատարան։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |