  Իրանում հարձակվել են Ադրբեջանի դեսպանատան վրա՝ 1 զոհ կա․ Բաքուն տարհանում է դիվանագետներին 27 հունվարի 2023 - 14:50 AMT PanARMENIAN.Net - Հունվարի 27-ի վաղ առավոտյան Թեհրանում զինված հարձակում է կատարվել Ադրբեջանի դեսպանատան վրա՝ կա 1 զոհ և 2 վիրավոր։ Սպանվել է պահպանության ծառայության պետը, նրա 2 աշխատակից վիրավորվել է։ Թեհրանի ոստիկանության պետ, բրիգադի գեներալ Հոսեյն Ռահիմին հայտարարել է, որ հարձակվողը ձերբակալվել է, քրեական գործ է հարուցվել, գրում է Mehr գործակալությունը։ Նա նաև ասել է, որ հարձակվողը դեսպանատուն է մտել 2 փոքր երեխայի հետ և ունեցել է «անձնական և ընտանեկան խնդիրներ»։ Թեհրանի քրդատարանի դատախազը հայտնել է՝ ձերբակալվածն ասել է, որ 2022-ի ապրիլին նրա կինը գնացել է քաղաքում գտնվող Ադրբեջանի դեսպանատուն և այլևս տուն չի վերադարձել։ Իրանի ԱԳՆ-ն դատապարտել է հարձակումն ու ցավակցություն հայտնել Ադրբեջանին։ Ադրբեջանում, սակայն չեն հավատում, որ hարձակումը կատարվել է անձնական կամ ընտանեկան հողի վրա և հայտարարել են, որ տարհանում են դեսպանատան աշխատակիցներին։ Այդ մասին հայտարարել է Ադրբեջանի ԱԳՆ մամուլի վարչության պետ Այհան Հաջիզադեն, գրում է Haqqin.az-ը։ «Իրանի կառավարությունը չի կարողանում ապահովել Վիեննայի կոնվենցիայի պահանջները կամ միտումնավոր խախտում է դիվանագիտական ծառայողների անձեռնմխելիության պահանջները»,-ասվում է Ադրբեջանի ԱԳՆ հայտարարության մեջ։   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
