Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ17 ապրիլի 2024 - 17:54 AMT PanARMENIAN.Net - ՀՀ Էկոնոմիկայի նախկին նախարար Վահան Քերոբյանի պաշտպան Տիգրան Եգորյանը հրավիրված ասուլիսին ասել է, որ Վահան Քերոբյանի վերաբերյալ քրեական վարույթով քննությունը ոչ պատշաճ ջանասիրությամբ է իրականացվում։ «Գործով կա ընդամենը ութ մեղադրյալ, որոնց մի մասը մասնավոր սեկտորից է, մի մասը՝ նախարարությունից։ Գործն այն մասին է, որ ենթադրաբար, ըստ պաշտոնական վարկածի, տեղի է ունեցել մրցույթ, որին մասնակցող կազմակերպություններից մեկի նկատմամբ իրականացվել է կողմնակալ վերաբերմունքի հետևանքով գործողություններ, որ ապահովեն նրա հաղթանակը՝ մրցույթում։ Այս ենթադրությունների հիման վրա էլ քննվում է այս ամբողջ գործը»,- նշել է Եգորյանը, գրում է «Փաստինֆոն»։ Նա հավելել է, որ գրեթե 12 ամիսների ընթացքում հավաքվել են գրեթե բոլոր ապացույցները, որոնք հնարավոր էր օրենսդրությամբ, այդ թվում՝ ՕՀՄ-ներով։ Ըստ նրա, բոլոր գործողությունները հնարավոր էր իրականացնել 2 ամսում Ըստ փաստաբանի՝ վարույթ իրականացնող մարմինը գործը ոչ պատշաճ ջանադրությամբ է կատարում, իսկ Քերոբյանի նկատմամբ կիրառված սահմանափակումներն օրենքով և կոնվենցիայով ոչ համաչափ են, Քերոբյանի նկատմամբ կիրառված սահմանափակումներն օրենքով բոլոր հնարավորինն են, այսինքն՝ սահմանափակված են բոլոր հնարավոր անձանց հետ շփումները, բացի մերձավոր ազգականներից և պաշտպանից։ Եգորյանի խոսքով՝ նախաքննական մարմինը գործը ձգձգում է, թեև կարող էին երկու ամսում ավարտել։ «Պարոն Քերոբյանը համբերատար 2 ամիս սպասեց տնային կալանքի պայմաններում՝ առանց ավելորդ աղմուկների, առանց ավելորդ նյարդային դրսևորումների, որպեսզի օբյեկտիվորեն անհրաժեշտ ժամանակահատվածում գործը ավարտեն, բայց ոչ պատշաճ ջանադրությամբ է իրականցվում, փոխարենն ամփոփեն ամբողջ արդյունքների հավաքագրումը, նորից ու նորից նյութերն են ուսումնասիրում, որոնք արդեն իսկ արձանագրված են»,-ասել է նա։ Եգորյանը նշել է, որ կալանքի ժամկետի երկարաձգելու հիմնավորումները երկուսն էին. «Որ նախաքննական մարմինը էլի մի ահագին գրասենյակային աշխատանք կատարի։ Ի սեր Աստծո, կատարեք ձեր գրասենյակում այդ աշխատանքը, ի՞նչ կապ ունի մարդկանց ազատության մեջ գտնվելը ձեր գրասենյակում աշխատանքը կատարելու հետ և որ մի քանի վկաներ հարցաքննվեն։ Ի՞նչն էր խնդիրը, որ այդ վկաները նախորդ 2․5 ամսում չեն հարցաքննվել։ Նրանց թիվը խիստ սահմանափակ է։ Հիմնական հարցաքննություններն արված են, ինչն է խնդիրը, որ դա չի արվել ժամանակին, և ի՞նչ կլինի, եթե Քերոբյանը ազատության մեջ մնա»,-ասել է նա։ Փետրվարի 14-ին Քերոբյանը հայտնեց Էկոնոմիկայի նախարարի պաշտոնից ազատման մասին: Քննչական կոմիտեն հայտնել էր, որ Հայաստանի էկոնոմիկայի նախարարության կարիքների համար ծառայության ձեռքբերման մրցույթի ընթացքում կատարված առերևույթ չարաշահումների վերաբերյալ քրեական վարույթով քրեական հետապնդում է հարուցվել 8 անձի նկատմամբ, որից 5-ը Էկոնոմիկայի նախարարության պաշտոնատար անձինք են: Քննչական կոմիտեն նշել է, որ փաստական տվյալներ են ստացվել այն մասին, որ «ՀՀ էկոնոմիկայի նախարարության պաշտոնատար անձինք, նախնական համաձայնությամբ, մի խումբ անձանց դրդմամբ և օժանդակությամբ, չարաշահել են իրենց ծառայողական լիազորությունները»։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | ԱԳ փոխնախարար․ ՀՀ-ն բարձր է գնահատում Ֆրանսիայի Սենատի հետևողական աջակցությունը Կարևորվել է երկու երկրների միջև առկա խորհրդարանական սերտ փոխգործակցությունը Բայրամով․ Ադրբեջանը հանդես է գալիս ՀՀ հետ երկկողմ բանակցությունների օգտին Նա ասել է, որ սահմանազատման վերջին պայմանավորվածությունը վկայում է, որ դա առավել արդյունավետ գիծն է Կուպման․ Եվրահանձնաժողովը պատրաստ է նպաստել ՀՀ կառավարության առաջնահերթությունների իրականացմանը Զրուցակիցները քննարկել են ՀՀ-ԵՄ փոխգործակցությանը վերաբերող հարցերի լայն շրջանակ ԵԽԽՎ-ում Գերմանիայի պատվիրակության ղեկավար․ Ադրբեջանի համար դեպի ԵԽԽՎ հետ ճանապարհ չկա Նա քննադատել է ադրբեջանցի իրավապաշտպան Անար Մամեդլիի ձերբակալությունը Բաքվում |