  ՅՈՒՆԵՍԿՕ-ում ՀՀ-ն ներկայացրել է մշակութային ժառանգության պահպանման առաջնահերթությունները 19 հունիսի 2026 - 18:47 AMT PanARMENIAN.Net - Հայաստանի պատվիրակությունը մասնակցություն է ունեցել ՅՈՒՆԵՍԿՕ-ի Ոչ նյութական մշակութային ժառանգության պահպանման մասին 2003 թվականի կոնվենցիայի Գլխավոր ասամբլեայի 11-րդ նստաշրջանին։ Իր ելույթում ՅՈՒՆԵՍԿՕ-ում Հայաստանի մշտական ներկայացուցիչ Արամ Հակոբյանը նշել է, որ ոչ նյութական մշակութային ժառանգության պահպանումը շարունակում է մնալ Հայաստանի մշակութային քաղաքականության հիմնական առաջնահերթություններից մեկը։ Նա կարևորել է տեղական համայնքների կարիքների պատշաճ գնահատումն ու նրանց մշակութային ժառանգության պաշտպանությունը։ Արամ Հակոբյանը նաև անդրադարձել է հակամարտությունների և բռնի տեղահանությունների հետևանքով ոչ նյութական մշակութային ժառանգությանը սպառնացող վտանգներին՝ կոչ անելով ՅՈՒՆԵՍԿՕ-ին ավելի ակտիվ աջակցություն ցուցաբերել տեղահանված և փախստական համայնքներին՝ նպաստելով վտանգված կենդանի ժառանգության պահպանմանը։ Նստաշրջանի ընթացքում ելույթ է ունեցել նաև ՀՀ կրթության, գիտության, մշակույթի և սպորտի նախարարության ոչ նյութական մշակութային ժառանգության բաժնի պետ Նաիրա Կիլիչյանը։ Նա ընդգծել է հասարակական կազմակերպությունների հետ համագործակցության կարևորությունը ոչ նյութական մշակութային ժառանգության պահպանության գործում։ Նստաշրջանի շրջանակում հայկական «Մշակույթը հանուն կայուն զարգացման» հասարակական կազմակերպությունը հավատարմագրվել է որպես Ոչ նյութական մշակութային ժառանգության պահպանության միջկառավարական կոմիտեին խորհրդատվական կարգավիճակով աջակցող հասարակական կազմակերպություն՝ ի գնահատում տվյալ ոլորտում կազմակերպության մասնագիտական փորձառության և գործունեության։   Ուշագրավ Ֆիլմի ռեժիսորը Զառա Ջյանն է Պլասիդո Դոմինգոն Երևանում ելույթ է ունեցել նաև 2010–ին Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
