  Իջևանում նոր մարզադաշտի նախագծման համար կհատկացվի 177.8 մլն դրամ 25 հունիսի 2026 - 14:14 AMT PanARMENIAN.Net - Իջևանում ՈւԵՖԱ-ի չափանիշներին համապատասխանող, 10 հազար հանդիսատեսի համար նախատեսված մարզադաշտի կառուցման նախագծանախահաշվային աշխատանքների նպատակով ՀՀ պետական բյուջեից կկատարվի վերաբաշխում, որի շրջանակում կհատկացվի 177 մլն 820 հազար դրամ։ Այդ մասին կառավարության այսօրվա նիստում հայտարարել է ՀՀ կրթության, գիտության, մշակույթի և սպորտի նախարար Ժաննա Անդրեասյանը, հայտնում է Sputnik Արմենիան: Հայաստանն ու Վրաստանը համատեղ հայտ են ներկայացրել 2029 թվականի մինչև 20 տարեկանների ֆուտբոլի աշխարհի առաջնությունն անցկացնելու համար։ Այդ նպատակով Հայաստանում վերանորոգվում, վերակառուցվում կամ կառուցվում են տարբեր քաղաքների մարզադաշտեր։ Մրցաշարի ընթացքում Երևանում նախատեսվում է անցկացնել մինչև 20 հանդիպում, իսկ Վանաձորում և Իջևանում միասին՝ մինչև 10 հանդիպում։ Անդրեասյանի խոսքով՝ նախագծանախահաշվային աշխատանքների ավարտից հետո կընդունվեն շինարարական փուլի վերաբերյալ անհրաժեշտ որոշումները։ Նախարարը նշել է, որ Իջևանի մարզադաշտի կառուցման ծրագիրը նախատեսվում է ավարտել մինչև 2029 թվականի հունվարը։ Նա նաև տեղեկացրել է, որ այս և առաջնության նախապատրաստությանն առնչվող մյուս աշխատանքների պատշաճ իրականացման նպատակով ՖԻՖԱ-ն կտրամադրի համապատասխան մասնագիտական աջակցություն։ Այս տարվա օգոստոսի վերջին ՖԻՖԱ-ի ներկայացուցիչները կայցելեն Հայաստան՝ մինչ այդ կատարված աշխատանքները գնահատելու համար։ Մինչև 20 տարեկանների ֆուտբոլի աշխարհի առաջնությունը նախատեսվում է անցկացնել 2029 թվականի սեպտեմբեր-հոկտեմբեր ամիսներին։   Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
