  Թուրքիան փորձում է Հայաստանի միջոցով ամրապնդել իր դիրքերը Հարավային Կովկասում24 օգոստոսի 2009 - 19:38 AMT PanARMENIAN.Net - Ճիշտ չէ ողջ հայ-թուրքական գործընթացը կապել այն հարցի հետ, թե արդյոք Հայաստանի նախագահ Սերժ Սարգսյանը կմեկնի պատասխան ֆուտբոլային հանդիպմանը, թե ոչ: Այդ մասին Երեւանում կայացած մամլո ասուլիսին լրագրողներին հայտնել է ՀՀ ԳԱԱ Արեւելագիտության ինստիտուտի տնօրեն, թուրքագետ Ռուբեն Սաֆրաստյանը: «Ինձ թվում է, որ թուրքական կողմն արդեն որոշում է ընդունել` եթե ոչ ամբողջությամբ կարգավորել հարաբերությունները Հայաստանի հետ, ապա առնվազն բացել հայ-թուրքական սահմանը: Երեւանի հետ կնքելով «ճանապարհային քարտեզը»` Անկարան ցույց տվեց, որ հրաժարվում է Հայաստանի նկատմամբ վարած իր նախկին քաղաքականությունից»,- նկատել է թուրքագետը:Նրա խոսքով, օգոստոսյան պատերազմից հետո տարածաշրջանում Թուրքիայի դիրքերը թուլացան, իսկ Մոսկվայի ազդեցությունն ուժեղացավ: «Եւ այժմ Թուրքիան նպատակ է հետապնդում Հայաստանի միջոցով ամրապնդել իր դիրքերը Հարավային Կովկասում: Բայց միեւնույն ժամանակ թուրքական դիվանագիտությունը զանազան միջոցներով փորձում է Երեւանին զիջումների հրահրել Լեռնային Ղարաբաղի հակամարտության եւ Հայոց ցեղասպանության ճանաչման հարցերում»,- նկատել է պրոֆեսորը: Նա ավելացրել է, որ այդ առումով ՀՀ նախագահի վերջին հայտարարությունը, որի համաձայն նա կմեկնի Թուրքիա` դիտելու պատասխան ֆուտբոլային հանդիպումը Հայաստանի եւ Թուրքիայի ազգային հավաքականների միջեւ միայն այն դեպքում, եթե բացվեն սահմանները կամ եթե կողմերը ապաշրջափակման գործընթացում առաջխաղացում ունենան, շատ կտրուկ էր: «Բայց, այնուամենայնիվ, ես չեմ գտնում, որ թուրքերը սահմանի անհապաղ բացման կգնան»,- հայտնել է Ռուբեն Սաֆրաստյանը:   Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Բաժիններ թեմայով Սյուժե Վերջին լուրեր Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից  Դեսպանությունը պարզաբանում է ստացել Վրաստանի ԱԳՆ–իցՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնելՓաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցումՕդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ |
