Ժամանակից շուտ փախստականների վերադարձը կարող է հակամարտության նոր բռնկումների պատճառ դառնալ21 սեպտեմբերի 2009 - 14:59 AMT PanARMENIAN.Net - Լեռնային Ղարաբաղի անվտանգության ամենամեծ քաղաքական երաշխիքը լավ մշակված ու համաձայնեցված փաստաթուղթն է: Այդ մասին «Վեստի» հեռուստաալիքին տված հարցազրույցում հայտարարել է Հայաստանի նախագահ Սերժ Սարգսյանը: «Այդ փաստաթղթում շատ հստակ պետք է գրանցվի այն, ինչի մասին պայմանավորվում ենք, որպեսզի հետո ինչ-որ փուլում ոչ ոքի` ոչ հայկական, ոչ ադրբեջանական, ոչ էլ ղարաբաղյան կողմի մոտ ոչ առիթ, ոչ էլ պատճառ լինի հրաժարվելու հետագա գործողություններից կամ հակամարտության էսկալացիայի համար»,-ասել է ՀՀ նախագահը: Անդրադառնալով վերջին զարգացումներին ղարաբաղյան հակամարտության գործընթացում` ՀՀ նախագահն հիշեցրել է ՌԴ-ի, ԱՄՆ-ի ու Ֆրանսիայի նախագահների Ակվիլայում արված համատեղ հայտարարության եւ «մադրիդյան սկզբունքների» որոշ դրույթների հրապարակման մասին: «Բոլորին պարզ դարձավ կարգավորման ներկա փուլի, այսինքն «մադրիդյան սկզբունքների», հիմքում ընկած տրամաբանությունը: Դա հանրաքվեի անցկացումն է` Լեռնային Ղարաբաղի կարգավիճակի վերջնական հաստատման համար, Ադրբեջանի հսկողության տակ այն տարածքների վերադարձն է, որոնք մաս չէին կազմում ԼՂԻՄ-ին, եւ որոնք մենք եւ Ղարաբաղը համարում ենք «անվտանգության գոտի», եւ մեր բոլոր հարաբերությունների կարգավորում»,-ասել է ՀՀ նախագահը: Նա հավելել է, որ եթե այս շղթայի բոլոր տարրերը, բոլոր օղակները սկիզբ առնեն Լեռնային Ղարաբաղի վերջնական կարգավիճակից, կողմերը կհասնեն հաջողության: «Մենք այժմ բանակցում ենք նախագահների, ԱԳ նախարարների մակարդակով: Վերջերս մեզ է միացել նաեւ ՌԴ նախագահը, եւ մենք նրա օգնությամբ գրեթե համաձայնեցրել ենք առաջին կետը, ինչի համար մենք, անշուշտ, շնորհակալ ենք նրան, ես դա ասում եմ իմ անունից: Համանախագահ երկրների նախագահները հանձնարարել են իրենց ներկայացուցիչներին մեր քննարկմանը ներկայացնել «մադրիդյան սկզբունքների» նորացված տարբերակը: Եվ եթե այդ նորացված տարբերակը իրականում համապատասխանի «մադրիդյան սկզբունքների» ոգուն ու տրամաբանությանը, ապա դա լավ է»,-ասել է Ս.Սարգսյանը: Պատասխանելով Ղարաբաղ ադրբեջանցի փախստականների վերադարձի եւ հանրաքվեին նրանց հնարավոր մասնակցության մասին հարցին` ՀՀ ղեկավարը հայտարարել է, որ ադրբեջանցի փախստականները Ղարաբաղից իրավունք ունեն վերադառնալ հարազատ վայրեր, բնակության վայրեր, սակայն կարող են դա անել միայն Լեռնային Ղարաբաղի վերջնական կարգավիճակի որոշումից հետո: «Ինչո՞ւ: Որովհետեւ դեռեւս չի եղել նման հակամարտություն, երբ ժամանակից շուտ փախստականների վերադարձը նոր բռնկումների պատճառ չի դարձել: Իսկ մենք լուծման ենք գնում հանուն ինչի՞: Հանուն խաղաղության, կայունության, հանուն նրա, որ յուրաքանչյուրն իմանա, թե որտեղ է ինքն ապրելու»,-ասել է ՀՀ նախագահը: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ռուբեն Վարդանյանը, ընտանիքի հորդորով, դադարեցրել է հացադուլը Կարճ զրույցում ընտանիքը նրան տեղեկացրել է Ադրբեջանի վրա ամբողջ աշխարհից տարբեր պաշտոնյաների աճող ճնշումների մասին Եվրախորհրդարանը կոչ է արել կասեցնել էներգետիկ գործակցությունը Բաքվի հետ և պատժամիջոցներ սահմանել Ադրբեջանի պաշտոնյաների դեմ Ասվում է, որ Ադրբեջանում շարունակվող մարդու իրավունքների խախտումներն անհամատեղելի են COP 29–ը ընդունող երկիր լինելու հետ Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը Oգտատերերը ևս կարող են ստեղծել իրենց սեփական ավատարները Երևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհը |