 Երևանում անցկացվել է հաշմանդամ կանանց “Գեղեցկուհի-2010” մրցույթը 7 ապրիլի 2010 - 15:52 AMT PanARMENIAN.Net - Ապրիլի 7-ին “Ունիսոն” հասարակական կազմակերպությունը Երևանի Կոմիտասի անվան կամերային երաժշտության տանն անցկացրեց հաշմանդամ կանանց գեղեցկության հանրապետական 5-րդ ֆոտոմրցույթը: “Մրցույթի նպատակն է վերացնել հասարակության մեջ հաստատված կարծրատիպերը և ցույց տալ, որ հաշմանդամությունը կանանց գեղեցկության առջև չի փակում դռները”, - ասել է “Ունիսոն” կազմակերպության նախագահ Արմեն Ալավերդյանը` պարգևատրման արարողության ընթացքում: Նրա խոսքերի համաձայն, այս տարի մրցույթին ներկայացվել է Հայաստանի բոլոր մարզերից, Լեռնային Ղարաբաղից և Ջավախքից 71 կնոջ լուսանկար: Մրցույթի եզրափակիչ փուլին մասնակցելու համար մրցութային հանձնաժողովն ընտրել է 10 աղջկա: Սահմանվել է 4 անվանակարգ և 5 խրախուսական պարգև, ինչպես նաև “Համակրանք” “Ունիսոն” հատուկ անվանակարգը: “Լուսանկարների ընտրության հարցում հանձնաժողովի անդամների միջև տարաձայնություններ չեն եղել: Մենք առաջնորդվել ենք ոչ միայն գեղեցկության չափանիշներով, այլև լուսանկարների որակը հաշվի առնելով: Բոլորս գիտենք, որ չկան տգեղ կանայք”, - ընդգծել է հանձնաժողովի անդամ, ՀՀ ժողովրդական դերասան Արսեն Գրիգորյանը: “Գեղեցկուհի-2010” անվանակարգում գլխավոր մրցանակը տրվել է Լոռու մարզի Ստեփանավանի բնակչուհի Անժելա Ավագյանին, “Փոխ-գեղեցկուհի” անվանակարգում առաջին մրցանակը հանձնվել է Երևանից Մելինե Ղազարյանին, երկրորդ մրցանակին` “Գեղեցկուհի համակրանք” անվանակարգում արժանացել է Երևանից Ժանետա Հայրապետյանը, երրորդ մրցանակը` “Գեղեցկուհի- ժպիտ” անվանակարգում, տրվել է Գյումրիից Արշալույս Բոյաջյանին: “Համակրանք” ”Ունիսոն” անվանակարգում պարգևատրվել է Կոտայքի մարզի Աբովյան քաղաքի բնակիչ Գայանե Գալստյանը: Պարգևատրման արարողությունը անցկացնում էր World Vision Armenia կազմակերպությունը` ԱՄՆ միջազգային զարգացման գործակալության (USAID) ֆինանսական աջակցությամբ: Մրցույթի կազմակերպմանը մասնակցել է նաև “Փարոս” բարեգործական հիմնադրամը (ԱՄՆ):
  Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել   Ամենաընթերցվողը բաժնում |  Վերջին լուրեր Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է  «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նաԲայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համաՖրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութԵՄ-ն 3․5 մլն եվրո է փոխանցել ՀՀ-ին արդարադատության ոլորտի բարեփոխումների համար Նշվում է, որ փոփոխությունները կիրառելու համար անհրաժեշտ է հետագա համապարփակ և համակարգային քաղաքականություն |
