Իվ Լետերմ. ԵՄ-ին անդամակցելու համար Թուրքիան պետք է բազում պահանջներ կատարի

PanARMENIAN.Net - Եվրամիությանն անդամակցելու համար Թուրքիան պետք է բազում պահանջներ կատարի: Այդ մասին հայտարարել է Բելգիայի վարչապետի ժամանակավոր պաշտոնակատար Իվ Լետերմը: Նա ընդգծել է, որ Անկարան պետք է դառնա ԵՄ անդամ միայն այն դեպքում, եթե իրոք անկեղծորեն դա ցանկանում է, որպեսզի կատարի այդ քայլը, երբ կգա ժամանակը:

Մեկնաբանելով այն, թե ինչ կասի ԵՄ-ին Թուրքիայի անդամակցության վերաբերյալ, եթե Անկարան ավարտի բանակցությունները բոլոր 35 դրույթների շուրջ և լիովին համապատասխանի ԵՄ չափանիշներին, Լետերմն ասել է. «Եթե Թուրքիան հաստատակամ է ԵՄ-ին անդամակցելու իր ցանկության մեջ, ես կասեմ՝ «այո», սակայն, այդ ձգտումը պետք է անկեղծ լինի»: Սակայն, նա կարևոր է համարել այն, որ ԵՄ-ին անդամակցելու գործընթացը շարունակվում է: «Որոշ մարդիկ Թուրքիայում հարց են տալիս. արդյո՞ք Թուրքիայի ապագան ԵՄ-ում է: Սակայն, դա հարց է նաև Թուրքիայի համար: Եվրոպան ընդունեց Թուրքիայի թեկնածությունը և գործընթացը շարունակվում է»,-ասել է Լետերմը, հաղորդում է Today`s Zaman-ը:

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան