Արևմուտքը մտադիր է Թուրքիայի տարածքում անկախ Քրդստան ստեղծել, գտնում է թուրք փորձագետը

PanARMENIAN.Net - Արևմուտքի ծրագրերի համաձայն Լիբիայից և Իրաքից հետո հաջորդ թիրախը լինելու է Թուրքիան: Այդ մասին հայտնել է թուրք վերլուծաբան Բյուլենթ Էսինօղլուն: «Թուրքերը չեն գիտակցում և չեն զգում այդ վտանգը, քանի որ ամերիկացիներն անում են ամեն հնարավորը, որպեսզի կոծկեն այն»,- գտնում է նա:

Նրա խոսքով, իմպերիալիստները նպատակ են հետապնդում անջատել Իրանի արևմտյան, Իրաքի հյուսիսային և Թուրքիայի հարավ-արևելյան հատվածները և այդ տարածքում անկախ Քրդստան ստեղծել:

«Քրդական և հայկական հարցերի լուծման գործընթացներում Թուրքիան թուլացրել է իր դիրքերը: Իսկ պատերազմն արդեն սարերի հետևում չէ: Թուրք ժողովուրդը պետք է սթափվի, խելք հավաքի և ճիշտ դասեր քաղի Լիբիայի վրա դաշնակիցների հարձակումից: Թուրքիան այժմ ամենից շատ մտավոր մոբիլիզացիայի, Արևմուտքի նպատակների մասին տեղեկատվության կարիք ունի»,- ընդգծել է Էսինօղլուն, հաղորդում է Ulusalkanal-ը:

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Զինվորականը սպանվել է հուլիսի 14-ի առավոտյան
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի