ՄԱԿ ԶՀԿ գլխավոր քարտուղարը խոստացել է Հայաստանի դեսպանը լինել բոլոր այն երկրներում, ուր կայցելի 5 հուլիսի 2011 - 16:56 AMT PanARMENIAN.Net - Հայաստանը գերազանցել է ՄԱԿ Զբոսաշրջության համաշխարհային կազմակերպության գլխավոր քարտուղար Թալեբ Ռիֆայիի ակնկալիքները: «Երկիրը մեծ տուրիստական ներուժ ունի հարուստ պատմամշակութային ժառանգության և հավատի հաշվին, և այժմ մեր ձեռքերում է այդ արդյունաբերության առաջխաղացումը: Հայաստանն արժանի է, որպեսզի այդ երկիր այցելող զբոսաշրջիկները ոչ թե հարյուրներով հաշվվեն, այլ միլիոններով»,- ասել է նա հուլիսի 5-ին Երևանում: Իր այցի շրջանակում հյուրը նախօրեին այցելել էր հայկական ճարտարապետության գոհարներից մեկը՝ Գառնիի հեթանոսական տաճար և Գեղարդի վանական համալիր: Այստեղ նրան ապշեցրել էր երկու տղամարդկանց և երկու կանանց հոգևոր երգեցողությունն առանց որևէ երաժշտական գործիքի նվագակցության, և նա երգիչներին Մադրիդ տանելու միտք էր արտահայտել, ինչը լավագույն գովազդը կդառնա Հայաստանի համար: «Հայաստանում շատ են արվեստի մարդիկ, անհրաժեշտ է աշխարհին գրավել այդ հարստությամբ»,- հավելել է նա: Փորձագետի կարծիքով, Հայաստանով ճանապարհորդելիս ամեն քայլափոխի կարելի է տեսարժան վայրեր հանդիպել: «Ես խոստանում եմ, որ Հայաստանի լավագույն դեսպանը կլինեմ, ուր էլ մեկնեմ»,- նշել է նա: Այս համատեքստում Թալեբ Ռիֆային հավելել է, որ Հայաստանը բավական լավ է ներկայացված աշխարհին, սակայն իշխանությունների քաղաքական կամքն է անհրաժեշտ սեփական բրենդի առաջխաղացման ծրագրի մշակման համար` օգտագործելով դրա համար անհրաժեշտ ռեսուրսները: Միաժամանակ նա նախազգուշացրել է չափազանց մեծ մարքեթինգային և PR-քայլերից, որոնք կարող են չարդարացնել զբոսաշրջիկի սպասումները` հույս հայտնելով, որ Հայաստանին կհաջողվի ապահովել հավասարակշռությունը: Ավելին, հանրապետության զբոսաշրջության ներուժի զարգացման ճանապարհին գլխավոր քարտուղարին չի մտահոգում սահմանների փակ լինելը: Թալեբ Ռիֆային բերել է փոքր Շվեյցարիայի օրինակը, որը մեծ ջանքերով նման բարձունքների է հասել: Գլխավոր քարտուղարը հաղորդել է, որ ԶՀԿ-ը մեծ պլաններ ունի Հայաստանում` ավելացնել երկիր այցելող զբոսաշրջիկների քանակը, թեթևացնել արտոնագրային ռեժիմը, ավելացնել ներդրումները, բարձրացնել Հայաստանի բրենդի ճանաչելիությունը, կատարելագործել օրենսդրական դաշտը համաշխարհային զբոսաշրջության արտադրության մեջ ինտեգրվելու ճանապարհին: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | Ըստ Դանիելյանի՝ ԱԺ խորհրդի նիստը կկայանա ժամը 16։00-ին. Բագրատ սրբազանը կոչ է արել հավաքվել ԱԺ-ի մոտ «Սա անվստահության գործընթացի առաջին քայլն է»,–ասել է սրբազանը ՌԴ ԱԳՆ․ ՀԱՊԿ-ը կվերանայի 2024-ի բյուջեն, քանի որ ՀՀ–ն հրաժարվում է վճարել անդամավճարը Մշակվում է Հավաքական անվտանգության խորհրդի որոշման նախգիծը Ըստ Բաքվի՝ Նախիջևանի՝ ՀՀ–ին սահմանակից հատվածում ադրբեջանցի զինծառայող է անհետացել Նշվում է, որ նա կորել է անհայտ հանգամանքներում Նոր Նորքի թաղապետը՝ Զախարովային․ ՌԴ-ն չի կարող հաղթել Ուկրաինային Նա ասել է, որ անհրաժեշտության դեպքում պատրաստ է կրկին այցելել Բուչա |