 «Նոր ալիք 2011». Էրիկը ռուսաստանցի Անդրեյ Grizz-Lee-ի հետ կիսեց 5-6-րդ տեղերը  31 հուլիսի 2011 - 16:23 AMTPanARMENIAN.Net - Հուլիսի 30-ին ավարտվեց Յուրմալայում ընթացող երիտասարդ կատարողների «Նոր ալիք 2011» միջազգային մրցույթի երրորդ՝ վերջին մրցութային փուլը: Երեք մրցույթների արդյունքում Հայաստանը ներկայացնող Էրիկը Ռուսաստանը ներկայացնող Անդրեյ Grizz-Lee-ի հետ 335 միավորով կիսեց 5-6-րդ տեղերը: Երրորդ մրցութային օրը նա վաստակեց 108 միավոր, որն այդ օրվա լավագույն ցուցանիշներից էր: Մրցույթում հաղթող դարձավ ԱՄՆ-ն ներկայացնող Ջեյդեն Ֆելդերը 341 միավորով: Երկրորդ տեղում է ուկրաինուհի Մաշա Սոբկոն, իսկ երրորդ տեղում` Ռուսաստանը ներկայացնող «Ն.Ա.Ո.Մ.Ի.» խումբը: Այսօր կայացող գալա համերգին պարզ կդառնա «Հանդիսատեսի համակրանք» անվանագարգի հաղթողը: Ժյուրիի կազմում ընդգրկված էին երգահաններ Իգոր Կրուտոյը, Ռայմոնդ Պաուլսը, Յուրի Անտոնովը, Իգոր Նիկոլաևը, երգիչներ Վալերի Մելաձեն, Լայմա Վայկուլեն, Ֆիլիպ Կիրկորովը, Լեոնիդ Ագուտինը, Վալերիան և պրոդյուսերներ Կոնստանտին Մելաձեն ու Մաքս Ֆադեևը: Մրցույթի կազմակերպման գաղափարի հեղինակները կոմպոզիտորներ Իգոր Կրուտոյն ու Ռայմոնդ Պաուլսն են: Այն անցկացվում է սկսած 2002 թվականից, որտեղ առաջին հաղթող է ճանաչվել ռուսական «Սմեշ» խումբը: Մրցույթի հիմնական նպատակը նոր անուններ բացահայտելն է: Տարբեր տարիներին Հայաստանը ներկայացրել են երգիչներ Էմմին, Ռազմիկ Ամյանը, Մհերը և այլոք: 2010թ-ին մրցույթի հաղթող դարձավ Հայաստանը ներկայացնող Սոնա Շահգելդյանը: Այս տարի մրցույթի եզրափակչում ելույթ ունեցան 16 մասնակիցներ 14 երկրներից: Մրցույթին առաջին անգամ մասնակցեց Տոգոն: Այս տարվա մրցութային ֆոնդը կազմում է 100.000 եվրո: Առաջին մրցանակակիրը կստանա 50.000, երկրորդը` 30.000, իսկ երրորդը` 20.000 եվրո: Բացի դրանից, կհանձնվեն նաև «Հանդիսատեսի համակրանք» և Յուրմալայի քաղաքային դումայի մրցանակները:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   |  Բաժիններ թեմայով Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
