ՀԱՊԿ գագաթաժողովում կքննարկվի որոշ պետություններին, հավանաբար, նաև Հայաստանին օգնության հարցը 6 օգոստոսի 2011 - 15:16 AMT PanARMENIAN.Net - ՀԱՊԿ գագաթաժողովում քննարկվելու են տարածաշրջանային սպառնալիքները, այդ թվում, ահաբեկչական խմբավորումների ներխուժման սպառնալիքը: Այդ մասին ՌԴ նախագահ Դմիտրի Մեդվեդևի հետ հանդիպմանը հայտնել է ՀԱՊԿ գլխավոր քարտուղար Նիկոլայ Բորդյուժան: Հանդիպմանը Բորդյուժան հայտնել է ՌԴ նախագահին, որ ՀԱՊԿ-ն մտահոգված է ինչպես գլոբալ, այնպես էլ տարածաշրջանային մարտահրավերներով: Ըստ նրա, ՀԱՊԿ անդամ երկրների երիտասարդների մեծ մասը նախապատրաստություն է անցնում Աֆղանստանի տարածքի ճամբարներում: Կա ահաբեկչական կազմավորումների ներխուժման վտանգ ասիական երկրներ: Բորդյուժան նաև հայտնել է, որ ՀԱՊԿ գագաթաժողովում քննարկվել է որոշ պետություններին օգնություն ցուցաբերելու հարցը: Ըստ նրա, ՀԱՊԿ ոչ պաշտոնական գագաթաժողովի նախապատրաստման շրջանակներում քննարկվել է իրավիճակը Ղրղզստանում, Տաջիկստանում, Բելառուսում ու Հայաստանում: Կազմակերպության գագաթաժողովը տեղի կունենա օգոստոսի 12-13-ը Ղազախստանում: Օգոստոսի 12-ին գագաթաժողովին մասնակցելու նպատակով Ղազախստան կմեկնի Հայաստանի նախագահ Սերժ Սարգսյանը: Այս պահի դրությամբ ՀՀ նախագահը գտնվում է կարճատև արձակուրդում, որի մի մասը կանցկացնի արտերկրում: Օգոստոսի 11-ին Սերժ Սարգսյանը կմասնակցի «Արմենիա» առագաստանավի շուրջերկրյա ուղևորության ավարտի հանդիսավոր արարողությանը, որը տեղի կունենա Կիպրոսի Լիմասոլ քաղաքում: ՀԱՊԿ-ին անդամակցում են ՌԴ-ն, Հայաստանը, Բելառուսը, Ղազախստանը, Ղրղզստանը, Տաջիկստանն ու Ուզբեկստանը: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Ամենաընթերցվողը բաժնում | Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչը Բագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա» Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին Խնձորեսկում Երևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |