Ստամբուլում շարունակվում է ըմբշամարտի աշխարհի առաջնությունը, որտեղ սեպտեմբերի 16-ին հանդես են գալու ազատ ոճի ըմբշամարտիկները:
Այսօր ազատ ոճի ըմբիշների շարքում հանդես են գալու միայն 55 ք/կ մարզիկները: Հայաստանը ներկայացնում է Միհրան Ջաբուրյանը: 1/16 եզրափակչում նրա մրցակիցն է լինելու Վիկտոր Լեբեդևը (Ռուսաստան):
Հայաստանի հավաքականի կազմում աշխարհի առաջնությոն են մեկնել նաև Աշոտ Տերտերյանը (60 ք/կ), Դավիթ Սաֆարյանը (66 ք/կ), Մուսա Մուրտազալիևը (74ք/կ), Հաջիմուրադ Նուրմագոմեդովը (84 ք/կ), Հարություն Ենոքյանը (96 ք/կ) և Ռուսլան Բասիևը (120 ք/կ):
Աշխարհի առաջնությունում խաղարկվում են 2012-ի Լոնդոնի օլիմպիական խաղերի ուղեգրեր: 1-5-րդ տեղերը զբաղեցնողներն իրավունք են ստանալու մասնակցել օլիմպիադային: