  Հիլարի Քլինթոնը հույս ունի, որ Քադդաֆիին շուտով կսպանեն կամ կբռնեն 19 հոկտեմբերի 2011 - 09:34 AMT PanARMENIAN.Net - Մուամմար Քադդաֆին պետք է կա'մ սպանվի, կա'մ բռնվի: Ինչպես հաղորդում է ԻՏԱՐ-ՏԱՍՍ-ը, այս մասին երեքշաբթի օրը Տրիպոլիում հայտնել է ԱՄՆ Պետքարտուղար Հիլարի Քլինթոնը, որը Լիբիա է ժամանել չհայտարարված այցով: «Մենք հուսով ենք, որ նա կարող է մոտ ժամանակներս բռնվել կամ սպանվել, որպեսզի դուք այլևս նրանից վախենալու առիթ չունենաք»,- հայտնել է ամերիկյան դիվանագիտության ղեկավարը` դիմելով ուսանողներին: Հարկ է նշել, որ ամերիկյան պաշտոնական անձինք մինչ օրս ձեռնպահ էին մնում նման արտահայտություններից` սահմանափակվելով Քադդաֆիին նրա կատարած հանցագործությունների համար պատասխանատվության ենթարկելու կոչերով: Փետրվարի կեսին Լիբիայում սկսվեցին բողոքի ցույցերը, որոնց մասնակիցները պահանջում էին 40 տարի իշխող Մուամմար Քադդաֆիի հրաժարականը: Ցույցերը կարճ ժամանակում վերաճեցին ռազմական դիմակայության կառավարական ուժերի և ապստամբների միջև: Վեց ամսվա մարտական գործողությունների արդյունքում Քադդաֆիի վարչակարգի հակառակորդներին հաջողվեց հսկողություն սահմանել Լիբիայի գրեթե ողջ տարածքում: Ռազմական գործողություններում բեկումնային պահը վրա հասավ օգոստոսի երրորդ տասնօրյակում, երբ ընդդիմության ուժերը` ՆԱՏՕ-ի ավիացիայի աջակցությամբ, գրավեցին Լիբիայի մայրաքաղաք Տրիպոլին: Փետրվարին ընդդիմությունը Բենղազիում ձևավորեց Լիբիայի Անցումային ազգային խորհուրդը (ԱԱԽ), որը հայտարարվել է իշխանության միակ լեգիտիմ մարմինը երկրում: ԱԱԽ-ը ճանաչել են մոտ 60 երկրներ` Ռուսաստանը ներառյալ:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
