Թուրքիան թույլ չի տա զուգահեռ պետության ստեղծում, ինչպես դա ցանկանում են քրդերը: Այդ մասին լրագրողների հետ զրույցում հայտարարել է Թուրքիայի վարչապետ Ռեջեփ Թայիփ Էրդողանը, գրում է Hurriyet-ը:
Պատասխանելով քրդական խմբավորումների դեմ պայքարի ակտիվացման մասին հարցին՝ Էրդողանն ասել է. «Թուրքական զինված ուժերը չեն դադարում պայքարել քրդական խմբավորումների դեմ»:
Միաժամանակ նա կոչ է արել քրդական գործիչներին իրենց շահերն առաջադրել խորհրդարանի միջոցով, այլ ոչ թե ահաբեկչությունների: «Եթե դա քաղաքական հարց է, ապա դրա համար գոյություն ունի խորհդարան»,- ասել է նա: