ԱՄՆ Կոնգրեսը պահանջում է, որպեսզի Օբաման սերտ տազմական համագործակցություն հաստատի Վրաստանի հետ17 դեկտեմբերի 2011 - 13:22 AMT PanARMENIAN.Net - ԱՄՆ Կոնգրեսը քվեարկել է Վրաստանի հետ` Թբիլիսիին ամերիկյան սպառազինության վաճառք ենթադրող ավելի սերտ ռազմական հարաբերությունների հաստատման օգտին: Համապատասխան դրույթը ներառվել է 2012 ֆինանսական տարվա Պենտագոնի բյուջեի մասին օրինագծում, որը հաստատվել է Սենատի կողմից: Ավելի վաղ այն հավանության էր արժանացել նաև Ներկայացուցիչների պալատի կողմից: Փաստաթուղթն ուղղվել է Բարաք Օբամայի կողմից ստորագրվելու: Ինչպես նշվում է օրինագծի 1244 հոդվածում, «փաստաթուղթը ստորագրելուց ոչ ուշ, քան 90 օր անց նախագահը պետք է մշակի և Կոնգրեսում ներկայացնի ԱՄՆ և Վրաստանի միջև ռազմական համագործակցության կարգավորման ծրագիրը` ներառյալ պաշտպանական սպառազինության վաճառքը»: Բացի այդ, Կոնգրեսի անդամները կուզենային, որպեսզի Օբամայի վարչակազմը համոզի «ՆԱՏՕ-ի մյուս անդամներին և Ալյանսին միանալու հավակնորդ երկրներին` վերականգնել և ավելացնել ռազմական տեխնիկայի և ունեցվածքի վաճառքն ու ռազմական ծառայությունների մատուցումը Վրաստանին` վերջինիս հետ ռազմական հարաբերությունների և համագործակցության խորացման ուղղությամբ ՆԱՏՕ-ի ավելի լայն ջանքերի շրջանակում»: Սենատում նման դրույթն օրինագծի մեջ ընդգրկելու նախաձեռնողը հանրապետական Ջոն ՄակՔեյնն էր, որը բազմիցս հայտարարել է, որ Վրաստանին ամերիկյան զենքն անհրաժեշտ է ինքնապաշտպանության համար: Կոնգրեսի Ստորին պալատում նրան ակտիվորեն աջակցում էր, մասնավորապես, հանրապետական Մայքլ Թերները, որը հարցադրում էր կատարում, թե «ինչպես կարելի է չվաճառել պաշտպանական զենք մի երկրին, որի զինվորները Աֆղանստանում մեջք մեջքի մարտնչում են ամերիկացիների հետ»: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Մախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |