// IP Marketing video - START// IP Marketing video - END

Հունահռոմեական ոճի ըմբշամարտիկ Ռոման Ամոյանը ոսկե մեդալ նվաճեց Գրան պրիում և դարձավ մրցաշարի լավագույն մարզիկը

Փետրվարի 17-24-ի գլխավոր սպորտային իրադարձությունների ամփոփում

25 փետրվարի 2011
Ըմբշամարտ. «Կարծում եմ` մեր ըմբշամարտիկները Մուրսկա Սոբոտա քաղաքում կայացած Գրան Պրիում լավ ելույթ ունեցան, քանի որ Հայաստանի հավաքականի չորս հիմնական անդամները մեդալներ են նվաճել»,- PanARMENIAN.Net ի թղթակցի հետ զրույցում ասել է Հայաստանի հունա-հռոմեական ըմբշամարտի հավաքականի գլխավոր մարզիչ, Օլիմպիական չեմպիոն Լևոն Ջուլֆալակյանը:

Ֆուտբոլի Հայաստանի հավաքականը 2011-ը սկսեց պարտությամբ

Փետրվարի 3-10-ի գլխավոր սպորտային իրադարձությունների ամփոփում

10 փետրվարի 2011
Ֆուտբոլ. Փետրվարի 9-ին ՖԻՖԱ-ի վարկանիշում 62-րդ տեղը զբաղեցնող Հայաստանի ֆուտբոլի հավաքականն իր ուժերը չափեց հարևան Վրաստանի ֆուտբոլիստների հետ, որը վարկանիշով 71-րդն է և 2010 թվականին ոչ մի հանդիպում չի պարտվել:

Շախմատի Հայաստանի 71-րդ չեմպիոն դարձավ 19-ամյա Ռոբերտ Հովհաննիսյանը

Հունվարի 27-ից փետրվարի 3-ի գլխավոր սպորտային իրադարձությունների ամփոփում

3 փետրվարի 2011
Վեյկ ան Զեեում ավարտվել է ավանդական շախմատային փառատոնը: Լևոն Արոնյանը գլխավոր մրցաշարում լրացուցիչ արդյունքներով զբաղեցրել է 3-րդ տեղը, Մագնուս Կարլսենը, որն Արոնյանի նման ուներ 8 միավոր, զբաղեցրել է 4-րդ տեղը: Մրցաշարի առաջատարը 9 միավորով դարձել է Հիկարու Նակամուրան (ԱՄՆ), 2-րդ տեղում 8.5 միավորով Վիշվանաթան Անանդն է (Հնդկաստան):

Սիրանուշ Անդրիասյանը դարձավ շախմատի Հայաստանի չեմպիոն

Հունվարի 13-20-ի հիմնական սպորտային իրադարձությունների ամփոփում

20 հունվարի 2011
Շախմատ. Վեյկ ան Զեեի մրցաշարի չորրորդ տուրից հետո Լևոն Արոնյանը, որը հաղթանակ է տարել Յան Նեպոմնյաշիի նկատմամբ (Ռուսաստան), 2.5 միավորով բարձրացել է 3-րդ հորիզոնական: B մրցաշարում Գաբրիել Սարգսյանը ոչ ոքի է խաղացել Վուտեր Սպոելմանի հետ (Հոլանդիա) և 2.5 միավորով այլ մասնակիցների հետ կիսում է 2-5-րդ տեղերը: 5-րդ տուրում նա հանդիպելու է Լի Չաոյի հետ (Չինաստան):

Գևորգ Ղազարյանը, Կառլեն Մկրտչյանը և Ռոբերտ Արզումանյանը փորձաշրջան են անցնում արտասահմանյան ակումբներում

Հունվարի 10-13-ի գլխավոր սպորտային իրադարձությունների ամփոփում

13 հունվարի 2011
Ֆուտբոլ. Հունվարի 12-ին FIFA-ն (Ֆուտբոլի միջազգային ֆեդերացիա) հրապարակել է ազգային հավաքականների հերթական վարկանիշային ցուցակը: Հայաստանի ազգային հավաքականը շարունակում է 515 միավորով զբաղեցնել 60-րդ տեղը: Հայաստանի հավաքականի մրցակիցները Եվրոպայի առաջնությունում զբաղեցնում են հետևյալ տեղերը. Ռուսաստան` 13-րդ տեղը, Սլովակիա` 20-րդ, Իռլանդիա` 35-րդ, Մակեդոնիա` 81, Անդորրա` 202:

2010-ին Հայաստանի ազգային հավաքականն առաջ անցավ 40 հորիզոնականով

2010-ին անցկացրած 7 խաղերից Հայաստանի հավաքականը հաղթեց երեքում

29 դեկտեմբերի 2010
2010-ը Հայաստանի ֆուտբոլի հավաքականն ավարտեց FIFA-ի 60-րդ հորիզոնականում 515 միավորով: Անցյալ տարվա համեմատ, Հայաստանի հավաքականը բարձրացավ 40 հորիզոնականով. 2009-ին հավաքականը 321 միավորով 100-րդ տեղում էր:

Արայիկ Միրզոյանը դարձավ ծանրամարտի Եվրոպայի չեմպիոն

Նոյեմբերի 18-25-ի գլխավոր սպորտային իրադարձությունների ամփոփում

27 նոյեմբերի 2010
Ծանրամարտ. Արայիկ Միրզոյանը դարձել է մինչև 23 տարեկանների ծանրամարտի Եվրոպայի չեմպիոն: Միրզոյանը 77 կգ քաշային կարգում «երկամարտի» արդյունքում բարձրացրել է 341 կգ: «Պոկում» վարժությունում նա բարձրացրել է 155 կգ, իսկ «հրում» վարժությունում` 186 կգ և 5 կգ-ով առաջ անցել Հայաստանի մեկ այլ ներկայացուցիչ Աղասի Աղասյանից: Աղասի Աղասյանը դարձել է առաջնության արծաթե մեդալակիր, երրորդ տեղում Սեմի Յաղչին է (Թուրքիա) 325 կգ արդյունքով: Նոյեմբերի 22-ին երկու քաշային կարգերում հանդես են եկել կանայք, մինչև 53 կգ կարգում Հայաստանը ներկայացնում է Էլեն Գրիգորյանը: Գրիգորյանը «պոկում» վարժությունում բարձրացրել է 72 կգ-անոց ծանրաձող, իսկ «հրումում»` 102 կգ: Այսպիսով, նա երկամարտի արդյունքում բարձրացրել է 174 կգ և զբաղեցրել երկրորդ տեղը: Հայաստանի ներկայացուցիչ Ռուբիկ Մամոյանը մինչև 62կգ քաշային կարգում դարձավ Եվրոպայի փոխչեմպիոն: «Պոկում» վարժությունում հայ ծանրորդը երեք մոտեցումներից օգտագործեց միայն 2 և կարողացավ բարձրացնել 125 կգ ծանրաձողը: Իսկ «հրում» վարժությունում նա բարձրացրեց 145 կգ: Երկամարտի արդյունքում Մամոյանը բաձրացրեց 270 կգ և գրավեց 2-րդ տեղը: Նոյեմբերի 23-ին մինչև 23 տ ծանրամարտի ԵԱ-ում անհաջող ելույթ ունեցավ հայ ծանրորդ Սմբատ Մարգարյանը (56 ք/կ): Մարգարյանը «պոկում» վարժությունում օգտագործեց միայն մեկ մոտեցում և բարձրացրեց 101 կգ, իսկ «հրում» վարժությունում չկարողացավ օգտագործել ոչ մի մոտեցում: Ծանրամարտի Եվրոպայի առաջնությունում նոյեմբերի 23-ին Հայաստանին հավաքականին բրոնզե մեդալ բերեց Վանիկ Ավետիսյանը (69 ք/կ): Նա «պոկում» վարժությունում օգտագործեց միայն մեկ փորձը և բարձրացրեց 135 կգ ծանրաձողը, «հրում» վարժությունում նա բարձրացրեց 165 կգ և 300 կգ արդյունքով զբաղեցրեց 3-րդ տեղը:

Լևոն Արոնյանը դարձավ կայծակնային շախմատի աշխարհի չեմպիոն, իսկ Զավեն Անդրիասյանը` Ռուսաստանի գավաթակիր

Նոյեմբերի 11-18-ի գլխավոր սպորտային իրադարձությունների ամփոփում

18 նոյեմբերի 2010
Շախմատ. Նոյեմբերի 18-ին Մոսկվայում ավարտվեց կայծակնային շախմատի աշխարհի առաջնությունը: Լևոն Արոնյանը շատ հաջող հանդես եկավ և դարձավ աշխարհի չեմպիոն: Արոնյանը վաստակեց 24.5 միավոր և օլիմպիադայի կրկնակի չեմպիոնի, արագ շախմատի չեմպիոնի, աշխարհի գավաթակրի, Ֆիշերի վարկածով աշխարհի չեմպիոնի և Մեծ սաղավարտի հաղթողի տիտղոսներին ավելացրեց կայծակնային շախմատի աշխարհի չեմպիոնի տիտղոսը: Երկրորդ տեղում ադրբեջանցի Թեյմուր Ռաջաբովն է, երրորդ տեղում` Մագնուս Կարլսենը (Նորվեգիա):

6 տուրերից հետո Լևոն Արոնյանը շարունակում է գլխավորել Տալի հուշամրցաշարը

Նոյեմբերի 4-11-ի գլխավոր մարզական իրադարձությունների ամփոփում

11 նոյեմբերի 2010
Շախմատ. FIDE-ն հրապարակել է շախմատիստուհիների ցուցակը, որոնք դեկտեմբերի 2-ից թուրքական Հաթայ քաղաքում կմասնակցեն ԱԱ-ին: Առաջնությունում, որը տեղի է ունենալու նոկաուտ համակարգով, կմասնակցեն հայ շախմատիստներ Լիլիթ Մկրտչյանը և Էլինա Դանիելյանը: Առաջին փուլում Մկրտչյանը կհանդիպի Քսիաովեն Ժանգի հետ (Չինաստան), իսկ Դանիելյանը` Տատյանա Շադրինայի հետ (Ռուսաստան):

Սամվել Տեր-Սահակյանը դարձավ մինչև 18 տարեկանների շախմատի ԱԱ արծաթե մեդալակիր

Հոկտեմբերի 28-ից նոյեմբերի 4-ը տեղի ունեցած գլխավոր մարզական իրադարձությունների ամփոփում

4 նոյեմբերի 2010
Շախմատ. Հունական Պորտո Կարաս քաղաքում ավարտվեց շախմատի աշխարհի պատանեկան առաջնությունը: Հայաստանի 19 ներկայացուցիչներից 6 տարիքային կարգերում ամենահաջողը ելույթ ունեցավ Սամվել Տեր-Սահակյանը մինչև 18 տարեկանների շարքում: Նա 8.5 միավորով նվաճեց աշխարհի փոխչեմպիոնի կոչումը: