 «Սպորտը` հանուն հավասար հնարավորությունների» մրցաշարի հաղթողները ստացան երկօրյա ուղեգիր դեպի Տաթև  25 հունիսի 2011 - 16:47 AMTPanARMENIAN.Net - Երևանում` Տիգրան Պետրոսյանի անվան Շախմատի տանը, ավարտվել է «Սպորտը` հանուն հավասար հնարավորությունների» մրցաշարը, որը կազմակերպվել է «Հույսի կամուրջ» և «Առաքելություն Արևելք» կազմակերպությունների կողմից: Հաղթողները պարզ էին արդեն հունիսի 24-ին, բայց իրենց պարգևները ստացան հունիսի 25-ին գրոսմայստեր Լևոն Արոնյանի ձեռքից: Մրցաշարի հաղթող Հարություն Հովակիմյանը, ինչպես նաև արծաթե և բրոնզե մեդալակիրներ Սերոբ Ղազարյանը և Նորայր Շողիկյանը հավաստագրերից բացի ստացան նաև երկօրյա ուղեգիր դեպի Տաթև: Արոնյանը մրցումների երկրորդ օրը սեանս անցկացրեց մասնակիցների հետ և բոլորում հաղթանակ տարավ: «Հույսի կամուրջ» կազմակերպության կողմից Արոնյանին հանձնվեց հավաստագիր և խորհրդանշական պարգև: «Շատ հետաքրքիր պարտիաներ ստացվեցին, որոշ շախմատիսներ պայքարեցին մինչև վերջ: Ուրախ եմ, որ որպես մարզիկ աջակցում եմ նման բարի գործի»,- խոստովանել է Արոնյանը: Հայաստանի աշխատանքի և սոցիալական հարցերի նախարարի տեղակալ Ջեմմա Բաղդասարյանը շնորհակալություն է հայտնել մրցաշարի բոլոր մասնակիցներին և կազմակերպիչներին հաշմանդամություն ունեցող մարդկանց համար հավասար պայմաններ քարոզելու համար: «Նմանատիպ միջոցառումները նպաստում են մեր երկրում հավասար պայմանների ապահովմանը: Հաշմանդամություն ունեցող մարդկանց համար ամենագլխավորը նրանց հետ ճիշտ շփվելն է և ուշադիր լինելը: Շնորհակալություն Արոնյանին, որ նա մեզ հետ է և օգնում է այս գործում»,- ասել է Բաղդասարյանը: «Սպորտը` հանուն հավասար հնարավորությունների» մրցաշարի նպատակն է հաշմանդամություն ունեցող մարդկանց համար հավասար պայմանների ստեղծումը: Մրցաշարին մասնակցել են պատանի շախմատիստներ և լրագրողներ: Այն տեղի է ունեցել երկրորդ անգամ:  Ուշագրավ Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա Հավանայում կայացել է Ծանրամարտի միջազգային ֆեդերացիայի նիստը Բարսեղյանը ամբողջ 5 կգ-ով առաջ է անցել երկրորդը ճանաչված Սաուդյան Արաբիայի պատվիրակից   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
