«Թատրոն X-ը» ոչ մի բան չունի ընդդեմ «Գոյ» թատրոնի11 ապրիլի 2011 - 20:15 AMT PanARMENIAN.Net - Վերջերս Երևանի թատրոնի և կինոյի պետական ինստիտուտի ռեկտորի ժամանակավոր պաշտոնակատար Արմեն Մազմանյանը «Առավոտ» թերթին հայտարարել էր հետևյալը. «Լինի երաժշտարվեստ, թե թատերարվեստ, եթե հետաքրքիր միջոցառում է լինում, անպայման մասնակցում եմ, հետևում: Ինչ վերաբերում է «Թատրոն X» փառատոնին, իմ ղեկավարած «Գոյ» թատրոն-լաբորատորիան երբեք չի հրավիրվել: Անգամ ԹԳՄ «Արտավազդ» ամենամյա մրցանակաբաշխությունից հրավեր չեմ ստանում: Ես մեծամիտ մարդ եմ և ինձ հետաքրքրում են դրսի փառատոնները...»: Այս առիթով «Թատրոն X» հանրապետական փառատոնի նախագահ Արա Խզմալյանը Մազմանյանի հայտարարության վերաբերյալ լրագրողների հարցին պատասխանել է հետևյալ կերպ. «Ես զարմացած եմ Մազմանյանի վրա, որովհետև նախ «Թատրոն X» փառատոնը չի հրավիրում մասնակիցների, այլ մասնակցության հայտեր է ընդունում: 2 տարի անընդմեջ նա հայտ է ներկայացրել, մասնակիցները փառատոնի շրջանակներում գնացել են թատրոն, պարզվել է, որ ներկայացումը չի լինելու: 2 տարի հետո ես առանձնապես ջանք չեմ թափել նրանց մասնակից դարձնելու համար»: Խզմալյանի կարծիքով, ռեկտորն իրավունք չունի հայտարարելու, որ նախընտրում է մասնակցել միայն միջազգային փառատոնների: «Ես համարում եմ, որ ռեկտորի մեծագույն խնդիրն է ամբողջ երիտասարդությանը մասնագիտական կրթությամբ գրավել դեպի ներքին խնդիրների կարգավորումը: Մենք ներքին խնդիրներ ունենք, և ես կարծում եմ, որ լծակներ ունեցող մարդիկ պետք է սևեռեն երիտասարդներին դեպի այդ խնդիրների կարգավորմանը»,- ավելացրեց նա:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
