Երևանում մեկնարկում է «Մեկ կադր» կարճ ֆիլմերի 9-րդ միջազգային մրցույթ-փառատոնը16 մայիսի 2011 - 13:34 AMT PanARMENIAN.Net - Մայիսի 17-24-ը Երևանի Նորարարական փորձարարական արվեստի կենտրոնում (ՆՓԱԿ) կայանալու է կարճ ֆիլմերի «Մեկ կադր» 9-րդ միջազգային մրցույթ-փառատոնը: Այս տարի փառատոնին մասնակցում է 377 հեղինակ 45 երկրներից ՝ Հայաստանից, Ալժիրից, ԱՄՆ-ից, Ավստրիայից, Արգենտինայից, Բելգիայից, Իտալիայից, Ֆրնասիայից, Իրանից, Լեհաստանից, Հունգարիայից, Ճապոնիայից եւ այլն: Ընդհանուր թվով մասնակցելու է 398 ֆիլմ: Փառատոնի հիմնադիր Գագիկ Ղազարէն լրագրողների հետ զրույցում հայտնեց, որ տարիների ընթացքում մասնակիցների թվի աճից բացի բարձրացել է նաև ֆիլմերի որակը: Կինոգետ Զավեն Բոյաջյանը առանձնացնում է «Մեկ կադր» փառատոնը, համարելով այն բարձր մակարդակի փառատոն: «Փառատոնը առանձնանում է մյուսներից: Այն ինքնահաստատվելու և ինքնաարտահայտվելու լավ հնարավորություն է ընձեռում երիտասարդներին»- ասաց Բոյաջյանը: Բացմանը կցուցադրվեն երկու հեղինակների ֆիլմեր՝ Սոնա Պալասանյանի «Ինքնության սահմանները» (ԱՄՆ) և Էհրան Արիկի «Ալագյազ լեռը, հող, սենյակ, ձայն, հիշողությունը» (Թուրքիա): «Մեկ կադր» կարճ ֆիլմերի փառատոնը չունի որևէ սահմանափակում, մասնակցում են բոլոր տարիքի ռեժիսորներ` ցանկացած ոլորտի ու թեմայի աշխատանքներով: Փառատոնը ոչ մի թեմատիկ և տեխնիկական սահմանափակում չունի: Այսինքն փառատոնին մասնակցել կարող է ինչպես պրոֆեսիոնալ տեսախցիկով, այնպես էլ բջջային հեռախոսով նկարահանված ֆիլմը: Փառատոնին կարող են մասնակցել ինչպես պրոֆեսիոնալ, այնպես էլ սիրողական մակարդակի ռեժիսորներ: Փառատոնի ընթացքում լինելու են նաև վարպետության դասընթացներ հայ և օտարերկրյա մասնագետների մասնակցությամբ: Մրցույթը տեղի է ունենալու 4 անվանակարգում` «Մեկ կադր մեկ րոպե», մինչև 40 րոպե տևողությամբ «Կարճամետրաժ ֆիլմեր», «Կինո առանց սահմանների» և մասնակից հեղինակների մրցանակ: Հայաստանում կինոարվեստի զարգացմանը աջակցելու համար փառատոնի կազմկոմիտեն կհանձնի հատուկ շնորհակալագիր: 2003-ից անցկացվող փառատոնը տարիների ընթացքում աստիճանաբար ընդլայնել է անվանակարգերը: Բացի «Մեկ կադր մեկ րոպե» անվանակարգից ավելացել են նաև «Կարճամետրաժ ֆիլմ» եւ «Կինո առանց սահմանների» անվանակարգերը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |