Ռոման Բալայանը սխալ է համարում Փարաջանովի մասին գեղարվեստական ֆիլմի նկարահանումը 13 հուլիսի 2011 - 16:38 AMT PanARMENIAN.Net - Հայտնի հայ կինոռեժիսոր Ռոման Բալայանը սխալ է համարում գեղարվեստական ֆիլմ նկարահանել Սերգեյ Փարաջանովի մասին: Դրա պատճառով է, որ ռեժիսորը հրաժարվել է Սերժ Ավետիքյանի մասնակցությամբ ֆիլմի ռեժիսորը լինելու առաջարկից: «Ես գտնում եմ, որ հիմա պետք չէ նկարահանել ֆիլմ Փարաջանովի մասին, որովհետև նրան ճանաչողները չեն ընդունի այն: Նա ուներ հետաքրքիր ժեստիկուլյացիա, որը դժվար է ներկայացնել: Նա ավելի վառ անհատականություն էր, քան նրա ֆիլմերը: Փարաջանովը տարերային երևույթ էր: Հանճարը երևի հետմահու երևույթ է (կատակում է): Նա անգամ չէր հավատում, որ կբանտարկվի և սիրում էր գոռալ «կոմունիստներ-ֆաշիստներ»արտահայտությունը»,- պատմել է Բալայանը լրագողների հետ հանդիպման ժամանակ «Ոսկե ծիրան» կինոփառատոնի շրջանակներում: Ռոման Բալայանը ծնվել է 1941 թ-ին Լեռնային Ղարաբաղի Ներքին Հորաթաղ գյուղում: 1959-1961 թթ աշխատել է Ստեփանակերտի դրամատիկական թատրոնում որպես դերասան: 1961-1964 թթ. սովորել է Երևանի պետական թատերական ինստիտուտում, իսկ 1969 թ. ավարտել է Կիևի Ի. Կարպենկո-Կարիի անվան պետական թատերական ինստիտուտի ռեժիսուրայի ֆակուլտետը: Որպես ռեժիսոր իր դեբյուտը նշել է 1973 թ-ին «Ռոմաշկինի էֆեկտ» ֆիլմով: Առավել հայտնի ֆիլմերն են «Թռիչքներ երազում եւ արթմնի» (1982 թ.), «Համբույր» (1983 թ.), «Պահպանիր ինձ իմ թալիսման» (1986թ.), «Առաջին սեր» (1995թ.), «Երկու լուսին, երեք արև» (1998թ.), «Դրախտային թռչուններ» (2008թ.): 1987 թ. արժանացել է ԽՍՀՄ պետական մրցանակի, իսկ 1997 թ. Ուկրաինայի ժողովրդական արտիստի կոչման: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է |