Օգոստոսի 14-ին կայանալիք Սերժ Թանկյանի երևանյան համերգը կլինի բացօթյա և անվճար 21 հուլիսի 2011 - 14:59 AMT PanARMENIAN.Net - Օգոստոսի 14-ին Երևանում Թումո կենտրոնի բացման պաշտոնական արարողությանը կհաջորդի աշխարհահռչակ System of a Down խմբի մեներգիչ, ամերիկահայ Սերժ Թանկյանի համերգը։ Սերժ Թանկյանը հանդես կգա Թումո կենտրոնի մոտ՝ բացօթյա անվճար համերգով մինչև 20 000 հանդիսատեսի համար։Այս մասին այսօր լրագրողներին են հայտնել Թումո ստեղծարար տեխնոլոգիաների կենտրոնի բացման միջոցառումների առիթով հրավիրված ասուլիսում։ Սերժ Թանկյանը կկատարի գործեր Elect The Dead Symphony ալբոմից, նրա հետ բեմում կնվագեն Հայաստանի 40 դասական ոճի երաժիշտներ։ Համերգի դիրիժորն է լինելու Ավստրալիայից հատուկ հրավիրված Համիշ ՄքՔիշը։ «Համերգի մուտքն ազատ կլինի բոլորի համար»,- ասաց «Դիիմ Քոմյունիքեյշնզ» ընկերության տնօրեն Րաֆֆի Նիզիբլյանը։ Նրա խոսքով, իրենք շուրջ մեկ տարի է, ինչ աշխատում են Սերժ Թանկյանի համերգի նախագծի վրա։ «Ֆյուջիթիվ Սթուդիոս» ընկերության ներկայացուցիչ Արմեն Կուպելյանն ասաց, որ ԱՄՆ-ում լսելով Թումո կենտրոնի մասին, գաղափար առաջացավ համագործակցել և ստեղծվեց այս նախագիծը: «Չնայած այս պահին Սերժ Թանկյանը շրջագայությունների մեջ է System of a Down խմբի հետ, նա այնուամենայնիվ ժամանակ է գտել Հայաստանում համերգով հանդես գալու համար»,-ասել է նա։ Արմեն Կուպելյանը PanARMENIAN.Net ի թղթակցի հետ զրույցում տեղեկացրեց, որ Սերժ Թանկյանի համերգը ուղիղ հեռարձակում կունենա (Live streaming), սակայն ասաց, որ առայժմ չեն կարող հայտնել հեռուսատեսությամբ կլինի Live streaming, թե օնլայն։ Րաֆֆի Նիզիբլյանն ասաց PanARMENIAN.Net ի թղթակցին, որ շատ շուտով նրանք նոր մանրամասներ կհայտնեն համերգի մասին։ Սերժ Թանկյանը արդեն մենահամերգով հանդես եկել է Երևանում 2010 թվականի ամռանը, իսկ System of a Down խումբը, միավորվելով 2011 թվականին, սկսել է իր համերգային շրջագայությունը Եվրոպայում: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |