Թուրքիայի խորհրդարանական ընտրությունները ավարտվել են, եւ 45 օրվա ընթացքում, ըստ Սահմանադրության, վարչապետ Ռեջեփ Էրդողանը պետք է կառավարություն ձեւավորի: «Հաղթանակ տարած Արդարության եւ զարգացման կուսակցության (AKP) ծրագրերը հեռու գնացող են. հասնել $10 հազար եկամուտի բնակչության մեկ շնչի հաշվով, շարունակել բարեփոխումները ժողովրդավարության ճանապարհին, որը տանում է դեպի ԵՄ, երկրում խաղաղության եւ համագործակցության մթնոլորտ ստեղծել, քայլեր ձեռնարկել, որպեսզի վերջ դրվի էթնիկ ազգայնամոլությանը»,- Hurriyet թերթը մեջբերում է վարչապետի խոսքերը: