Բուխարեստում ընթացող ՆԱՏՕ-ի գագաթնաժողովում Վրաստանն ու Ուկրաինան այդպես էլ չստացան Membership Action Plan-ը` յուրատեսակ «ճանապարհային քարտեզը», որն անպայման թեկնածու երկրին լիարժեք անդամակցություն է բերում այդ ռազմաքաղաքական դաշնիքում: ՆԱՏՕ չընդունեցին նաեւ Մակեդոնիային, ինչին դեմ էր Հունաստանը: Հունաստանի ԱԳՆ մամլո քարտուղարը հայտարարել է, որ Հունաստանը դեմ է նախկին հարավսլավական հանրապետության անդամակցությանը ՆԱՏՕ-ին, քանի որ Մակեդոնիա է կոչվում նաեւ հյուսիսային հունական նահանգը, որն, ըստ նրա, տարածքային նկրտումներ է ենթադրում: