Հայ-թուրքական հարաբերությունների կարգավորման և սահմանի բացման մասին արձանագրությունների հրապարակումից հետո անցած մեկ տարում Հայկական աշխարհում տեղի ունեցան փոփոխություններ, որոնք հետագայում ևս կարող են լուրջ աղդեցություն ունենալ ապագայում գործընթացների զարգացման վրա, եթե դա ընդհանրապես հնարավոր է: Մեկ տարում հստակ դարձավ միայն մեկ բան` Հայաստանը չի պատրաստվում որևէ մեկին հաճոյանալու համար ոտնահարել իր ազգային արժեքներն ու անվտանգությունը, նույնիսկ չնայած միջազգային հանրության երաշխիքներին:

Անցած շաբաթը նշանակալի էր IFC-ի գործադիր փոխնախագահ և գլխավոր տնօրեն Լարս Թանելի Հայաստան կատարած այցով: Նրան հետաքրքրում էին թե ինչպես են ծախսվում մեր երկրում իր գործընկերներին տրամադրած իր ընկերության գումարները: IFC-ը Համաշխարհային բանկի կառույցի մեջ միջազգային ֆինանսական ինստիտուտ է: Այն հիմնադրվել է 1956 թ., նպատակ ունենալով ապահովել զարգացող երկրներում մասնավոր ներդրումների կայուն հոսքը: Հայաստանը IFC-ի անդամ և բաժնետեր է դարձել 1995թ.: IFC-ը տարիներ շարունակ ակտիվ գործունեություն է իրականացրել երկրում` տնտեսության մի շարք ոլորտների 18 ծրագրերում ներդնելով 87 մլն ԱՄՆ դոլար:

Քաղաքական իրադարձություններն այս շաբաթ զարգանում էին Հայաստանում ռուսական ռազմական բազայի տեղակայման ժամկետը երկարացնելու պատճառի և հայ-ռուսական պայմանագրերի շուրջ: Հայաստանում ռուսական ռազմաբազաների տեղակայման ժամկետի երկարաձգումը շատ կարևոր է և’ Երևանի, և’ Մոսկվայի համար: Այս մասին Երևան-Մոսկվա հեռուստակամրջի ընթացքում ասել է ԱՊՀ երկրների ինստիտուտի տնօրենի տեղակալ Վլադիմիր Ժարիխինը: Նրա խոսքերի համաձայն, այդ փոփոխությունները շատ կարևոր են տարածաշրջանում խաղաղությունն ամրապնդելու համար: Նա, միաժամանակ, նշել է, որ կարգավիճակի այդպիսի ընդլայնումը կհանգեցնի այն բանին, որ Հարավային Կովկասում հիմնախնդիրների լուծումն ու բանակցությունները իրականացվեն միայն խաղաղ ճանապարհով:

Ըմբշամարտ. Սեպտեմբերի 6-13-ը Մոսկվայում տեղի կունենա ըմբշամարտի աշխարհի առաջնություն, որին կմասնակցեն նաև հայ ըմբիշներ: Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը PanARMENIAN.Net-ի թղթակցին ասաց, որ Հայաստանը ներկայացվելու է բոլոր քաշային կարգերում:

"ԱրմենՏել" ընկերությունը (ապրանքանիշը Beeline) հայտարարում է, որ ռոումինգ ծառայության ակտիվացումը Լեռնային Ղարաբաղում այսուհետ կկատարվի ավտոմատ կերպով նոր համակարգի ներդրման շնորհիվ: Այս ծառայությունը գործում է Beeline շարժական կապի հետվճարային համակարգի բաժանորդների համար, երբ վերջիններս գտնվում են Ղարաբաղ Տելեկոմի ցանցում:

7 հեթանոսական աստվածներին նվիրված տոնը նշանակալի է դարձել հայ ժողովրդի համար մի քանի կարևորագույն դեպքերով: Հին հայկական Նոր տարի Նավասարդը Հայաստանում նշվում է տասնյակ դարեր շարունակ օգոստոսի 11-ին: Այդ տոնն ամենասիրված և պաշտված տոներից մեկն է եղել մեր նախնիների համար, իսկ հիմա նրա մասին կարելի է լսել միայն պատմաբանների պատմություններից և ընթերցել հայկական ժողովրդական բանահյուսության ստեղծագործություններում:

«Նովայա վոլնա» մրցույթի գոյության 10 տարվա մեջ առաջին անգամ հաղթող ճանաչվեց հայ երգչուհին: Այս տարի Հայաստանը ներկայացնում էր Սոնա Շահգելդյանը` նա հաղթեց ընտրական փուլում, որը տեղի ունեցավ ընթացիկ տարվա ապրիլին: Սոնայի հիանալի վոկալային տվյալների և ձայնի անսովոր տեմբրի մասին վաղուց էին խոսում: Սակայն հզոր վոկալով աչքի են ընկել «Նովայա վոլնա» մրցույթի տարբեր տարիների գրեթե բոլոր հայ մասնակիցները, սակայն նրանց բոլորին ինչ-որ բան պակասել է հաղթանակի համար: Ժյուրին ավանդաբար իր հիացմունքն էր հայտնում Հայաստանից ժամանած երգիչներին, սակայն ամեն անգամ նրանց չէր բավականացնում մի քանի, կամ նույնիսկ մեկ միավոր հաղթանակի համար: Այդպես եղավ նաև Ռազմիկ Ամյանի դեպքում, որը մասնակցեց մրցույթին 2006-ին, երբ բոլորը հիացմունքով էին խոսում երգչի յուրահատուկ ձայնի մասին, սակայն հաղթեց ԱՄՆ-ի ներկայացուցիչը: Մոտավորապես նույն իրավիճակն էր Մհերի դեպքում` նա մասնակցեց մրցույթին 2008 թվականին: Այն ժամանակ նա արժանացավ հանդիսատեսի համակրանքի մրցանակին, սակայն առաջին տեղը չգրավեց: