Հայաստանում պարենային զամբյուղի արժեքը 2010-ի երրորդ եռամսյակի միջին ընթացիկ գներով կազմել է ամսական 28 064.4 դրամ (տարեկան 336772.8 դրամ) երկրորդ եռամսյակի 26 485.4 դրամի փոխարեն: Ինչպես հաղորդում է Հայաստանի Ազգային վիճակագրական ծառայությունը, պարենային զամբյուղի կառուցվածքը և կալորիականությունը մշակվել են ՀՀ առողջապահության նախարարության կողմից:

Ադրբեջանում նախընտրական քարոզարշավն ավարտվում է արդեն մշտական դարձած հակահայկական հիստերիայի նոտայով: Պատգամավորի ցանկացած թեկնածու իր պարտքն է համարում «վերադարձնել հողերը և պատժել ագրեսորին»: Այդ հայտարարությունները հեռու են ինչպես առողջ դատողությունից, այնպես էլ իրականությունից և պաշտպանվում են իշխանամետ փորձագետների և քաղաքագետների կողմից:

2010թ. հոկտեմբերի 1-ի դրությամբ Հայաստանում ինտերնետից օգտվողների թիվը գերազանցում է 1,5 մլն (ներառյալ բջջային ինտերնտեից օգտվողներին): Այդ մասին մամլո ասուլիսում հայտարարել է Հանրային ծառայությունների կարգավորման հանձնաժողովի անդամ Սամվել Արաբաջյանը: Ըստ Արաբաջյանի, լայնաշերտ ինտերնետի բաժանորդների թիվը Հայաստանում գերազանցում է 160 հազարը: Մինչդեռ, ըստ 2010թ. հունվարի 1-ի տվյալներով Dial-up լայնաշերտ ինտերնետի բաժանորդների քանակը նվազել է ավելի քան 2 անգամ՝ հասնելով 21 հազարի: Միևնույն ժամանակ, Հայաստանում ինտերնետի թողունակությունը Հայաստանում կազմում է 7833 Մբիտ/վրկ, այդպիսով ապահովելով թրաֆիկի 2,3 անգամյա աճ 2010թ. առաջին 9 ամիսներում:

Ադրբեջանական ԶԼՄ-ները ոչ մի կերպ չեն հանգստանում և փորձում են համոզել ոչ այն է`իրենց ընթեցողներին, ոչ այն է` իրենք իրենց, որ հաղթող են դուրս եկել Իրանում կայացած մամուլի և տեղեկատվական գործակալությունների 17-րդ միջազգային ցուցահանդես-փառատոնում տեղի ունեցած միջադեպում: Չափազանց հետաքրքիր է հետևել, թե որքան անհետևողական են ադրբեջանական ԶԼՄ-ները իրենց քոչվոր նախնիներից ժառանգած բարբարոս մեթոդներն արդարացնելու փորձերում:

Շախմատ. Շախմատի Եվրոպայի ակումբային առաջնությունում, որն ընթանում էր Պլովդիվում, «Միկա» կանանց ակումբը 18 միավորով զբաղեցրել է 3-րդ տեղը: Թիմի շախմատիստուհի Լիլիթ Գալոյանն անհատական արդյունքներով արժանացել է ոսկե մեդալի, նա 4 պարտիաներն ավարտել է իր օգտին, երկուսում ոչ ոքի է խաղացել, մեկում` պարտվել: Լիլիթ Մկրտչյանը և Արիկա Դրոնավալին իրենց խաղատախտակներում երկրորդ են և ստացել են արծաթե մեդալներ:

«Հզոր Թուրքիա» անհասկանալի և մարգինալ կուսակցության ներկայացուցիչների այցն Երևան դարձավ ոչ միայն ՀՀ ԱԱԾ-ի, ինչը զարմանալի չէ, այլ նաև՝ հայկական մամուլի ու որոշ փորձագետների սևեռուն ուշադրության առարկան: Ամեն ինչ հավանաբար, հաշտ ու խաղաղ կանցներ, քանի որ Հայաստան հաճախ են թուրք փորձագետներ ու քաղաքագետներ ժամանում, սակայն նրանցից ոչ մեկին ԱԱԾ չէին հրավիրել:

Խորովածի 2-րդ փառատոնը տեղի ունեցավ Լոռու մարզի Ախթալա քաղաքում կիրակի օրը: Այն նվիրված էր ևս երկու իրադարձությունների` 12-րդ դարի Սուրբ Մարիամ Աստվածածին եկեղեցու վերաօծմանը և աշխարհում երկրորդ ամուսնական մատանիների հուշարձանի տեղադրմանը: