Ռեջեփ Թայիփ Էրդողանի կառավարությունը քայլ առ քայլ Թուրքիային մոտեցնում է տարածաշրջանային առաջնորդի կարգավիճակին և դրա օրինակը 1936-ին Մուսթաֆա Քեմալ Աթաթուրքի կողմից բռնազավթված քրիստոնեական եկեղեցիների ունեցվածքը վերադարձնելու մասին որոշումն է: Ինչ վերաբերվում է կոնկրետ հայկական ունեցվածքին, ապա այդ ակտիվները կազմում են Առաջին համաշխարհային պատերազմի տարիներին բռնազավթված ունեցվածքի ընդամենը 1 տոկոսը:

2011թ. օգոստոսին Հայաստանի սպառողական գների ինդեքսը 2010թ. օգոստոսի համեմատ աճել է 4.8%-ով: Ինչպես հաղորդում է Հայաստանի Ազգային վիճակագրական ծառայությունը, գնաճը հիմնականում պայմանավորված է պարենային ապրանքների (ներառյալ ոգելից խմիչք և ծխախոտ) գների աճով` 6.9%, ոչ պարենային ապրանքներինը` 3.0%, ծառայությունների սակագներինը` 2.1%, իսկ հունվար-օգոստոսին 2010թ. հունվար-օգոստոսի համեմատ` համապատասխանաբար 108.8%, 113.2, 103.1 և 104.3%: 2011թ. հունվար-օգոստոսին արձանագրվել է սպառողական գների միջին ամսական նվազում 0.03%-ով` նախորդ տարվա նույն ժամանակահատվածում արձանագրված 0.6% հավելաճի դիմաց:

Հուլիսի 19-ին Պյատիգորսկում (Ռուսաստան) ավարտվեց Հյուսիսկովկասյան երկրորդ երիտասարդական համաժողովը՝ «Մաշուկ 2011», որը երկու շաբաթով միավորեց գրեթե 2.5 հազար երիտասարդների ՌԴ Հյուսիսային Կովկասի սուբյեկտներից, ինչպես նաև Հայաստանից, Ադրբեջանից, Վրաստանից, Ուկրաինայից, Աբխազիայից և Հարավային Օսեթիայից ժամանած հյուրերի: Եվրասիական հետազոտություների հայկական մասնաճյուղի շնորհիվ առաջին անգամ համաժողովի աշխատանքին մասնակցեց պատվիրակություն Հայաստանից, որի կազմում էին բլոգեր Տիգրան Սարգսյանը, PanARMENIAN.Net-ի թղթակից Հայկ Խալաթյանը և Հայաստանում Ռոսհամագործակցության աշխատակից Եկատերինա Ժիրենկոն: