Հայկական դրամը արժեզրկվեց 20-30 տոկոսով

PanARMENIAN.Net - ԱՄՀ գնահատմամբ հայկական դրամը 2009 թվականի մարտի սկզբին արժեզրկվեց 20-30 տոկոսով: Այդ մասին այսօր, ելույթ ունենալով Երեւանի Պետական համալրսանի տնտեսագիտական բաժնի ուսանողների առջեւ, հաղորդել է ԱՄՀ ներկայացուցիչ Նինկե Օմեսը: Նրա խոսքերով, գոյություն ունեն փոխարժեքի կայունացման հետեւյալ մեթոդները` PPP գնողունակության հավասարակշռում, BEER` փոխարժեքի կայունացում վարկային գծի միջոցով եւ ES` արտաքին կայունության մեթոդը: Այդ մեթոդների հիման վրա եզրակացություն արվեց, որ դրամը 2009 թվականի մարտի սկզբին արժեզրկվեց 20-30 տոկոսով: Վերլուծության արդյունքում ստացված տվյալները նույնանման են, ինչն էլ հաստատում է այս եզրակացությունը:



Օմեսը հայտարարել է, որ դրամի արժեզրկումը մի շարք պատճառներ ունի: Մասնավորապես, նշել է նա, 2005-2007թթ. արտարժույթի մեծ ներհոսք է գրանցվել դեպի Հայաստան տանսֆերտների ու արտարժույթի տեսքով: Ստեղծված պայմաններում Հաայստանի Կենտրոնական բանկը ստիպված էր վարել զսպող կուրսի քաղաքականություն (2008թ. միջին փոխարժեքը կազմել է` 305 դրամ ԱՄՆ 1 դոլարի դիմաց) եւ վաճառել դոլարները մեծ քանակությամբ: «Սկսած 2008 թվականի հոկտեմբերից, ԿԲ-ն շուրջ 700 մլն դոլար է ծախսել«,-ասել է Օմեսը: Սակայն առաջացած ֆինանսատնտեսական ճգնաժամը հանգեցրեց նրան, որ կտրուկ կրճատվեցին ներդրումները, ինչպես նաեւ դրամական փոխանցումների քանակը, որոնք հիմնականում ստացվում են ՌԴ-ից: Բացի այդ, պղնձի եւ մոլիբդենի գների անկման պատճառով նվազեց արտահանման ծավալը: Այս ամենը հանգեցրեց նրան, որ դոլարների պակասը երկրում թանկացում առաջացրեց, ինչն էլ տեղի ունեցավ 2009թ. մարտի 3-ին, որի արդյունքում դրամն արժեզրկվեց 20-30 տոկոսով:



Սակայն ճգնաժամի հաղթահարման համար լոկ արժեզրկումը բավարար չէ, քանի որ, ըստ Օմեսի, անհրաժեշտ է բարելավել մրցակցային մթնոլորտը կառուցվածքային փոփոխությունների միջոցով, այսինքն հարկավոր է բարելավել արդյունավետութհյունն ու ինովացիաների կիրառումը, բարձրացնել ներքին մրցունակությունը, մաքսային եւ հարկային դաշտերի թափանցիկությունն ու արդյունավետությունը, պայքարը կաշառակերության դեմ, ընդհանուր առմամբ բարելավել գործարար միջավայրը:
 Ուշագրավ
Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը
Կապահովվի խաղողի մթերումների գործընթացի կազմակերպումը
Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին
Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով
---