2009 թվականի առաջին եռամսյակում 11,8 %-ով նվազել են Հայաստան ներկրվող բնական գազի ծավալները

30 ապրիլի 2009 - 15:49 AMT

PanARMENIAN.Net - 2009 թվականի առաջին եռամսյակում նախորդ տարվա համեմատ 11,8 %-ով նվազել են Հայաստան ներկրվող բնական գազի ծավալները՝ կազմելով 668.7 մլն խ.մ: Այդ մասին հաղորդել է «ՀայՌուսգազարդ» ՓԲԸ-ի մամլո ծառայությունը:

Նշված ժամանակահատվածում իրացվել է 625.5 մլն խ.մ, ինչը 11,2 %-ով պակաս է նախորդ տարվա ցուցանիշից: Նախորդ տարվա համեմատ 9,4 %-ով նվազել են բնակչության կողմից բնական գազի սպառման ծավալները՝ կազմելով 268.0 մլն խ.մ: Արդյունաբերությունը սպառել է 73.9 մլն խ.մ, ինչը 6,7%- ով պակաս է նախորդ տարվա ցուցանիշից: Էներգետիկայի բնագավառը իրացրել է 125.0 մլն խ.մ, ինչը 29.5 %-ով պակաս է նախորդ տարվա համեմատ:

Ընթացիկ տարվա հունվար-մարտ ամիսների ընթացքում փոքր-ինչ ավելացել են ԱԳԼՃԿ-ների կողմից սպառված բնական գազի ծավալները՝ կազմելով 69.9 մլն խ.մ: 5.3%-ով ավելացել է սպառումը այլ սպառողների կողմից՝ 88.7 մլն խ.մ:

«ՀայՌուսգազարդ» ՓԲԸ-ն մենաշնորհատեր է ՀՀ ներքին շուկայում ռուսական բնական գազի առաքման եւ բախշման ոլորտներում : Գազը Հայաստան է առաքվում Վրաստանի տարածքով:

Ընկերությունը ստեղծվել է 1997թ.: «Գազպրոմ» ԲԲԸ-ի բաժնեմասը ընկերության կանոնադրական կապիտալում կազմում է շուրջ 80 տոկոս, Հայաստանի կառավարության բաժնեմասը 20 տոկոս է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով