2009 թվականին գործազրկության մակարդակն ԱՊՀ երկրներում կաճի 35 տոկոսով30 մայիսի 2009 - 16:12 AMT PanARMENIAN.Net - Իրավիճակն աշխատուժի շուկայում շարունակում է արագ վատանալ: Դեռեւս մարտին Աշխատանքի միջազգային կազմակերպությունը (ԱՄԿ) հաղորդում էր, թե ֆինանսական ճգնաժամն ու տնտեսական ցնցումները կհանգեցնեն նրան, որ 2009-ին 24-54 մլն մարդով կավելանա գործազուրկների բանակը` 2007թ. համեմատությամբ: Այսօր այդ կանխատեսումները վերանայվել են: ԱՄԿ-ն մտավախություն ունի, որ 2009թ. ճգնաժամի պատճառով առանց աշխատանքի կմնա 39-59 մլն մարդ: ԱՊՀ եւ Հարավ-Արեւելյան Եվրոպայի երկրներում գործազրկության մակարդակը կաճի 35 տոկոսով: Այս տարի գործազուրկների ընդհանուր թիվը կկազմի 210-239 մլն մարդ: 2008-ին գործազուրկների թիվն աշխարհում 190 մլն էր: Երիտասարդության շրջանում գործազուրկների թիվը կարող է աճել 14-15 տոկոսով: Աշխատանքի միջազգային կազմակերպությունը կոչ է անում պետություններին առավել վճռորոշ ու համակարգված գործողություններ ձեռնարկել, որոնք ուղղված էին գործազրկության դեմ պայքարին: Այն խորհուրդ է տալիս պետություններին օգտագործել արդեն իսկ շատ երկրներում փորձված մոտեցումը, որը կապված է ավտոճանապարհների եւ շենքերի կառուցման ակտիվացման հետ եւ այդպիսով ստեղծել աշխատատեղեր: ԱՄԿ-ն առաջարկում է հունիսի 3-19-ը կայանալիք աշխատանքին նվիրված միջազգային խորհրդաժողովում քննարկել «զբաղվածության գլոբալ փաթեթի» ընդունման հնարավորությունը, որն ուղղված կլինի ճգնաժամի հաղթահարմանն աշխատաշուկայում: ԱՄԿ-ն ուշադրություն է հրավիրել այն փաստի վրա, որ միջինում աշխատանքի շուկայի վերականգնումը կարող է 4-5 տարի պահանջել` տնտեսական աճի վերսկսումից հետո: ԱԿՄ-ն հիշեցրել է, որ ամեն տարի աշխատաշուկան ավելանում է 45 մլն-ով, իսկ դա նշանակում է, որ միայն նրանց աշխատանքի տեղավորման համար 2009-15թթ. պետք է ստեղծվի 300 մլն նոր աշխատատեղ: 2009թ. ապրիլին գործազուրկների քանակը Հայաստանում ավելացավ 6,5 տոկոսով 2008թ. համեմատ եւ կազմեց 81 200 հոգի: Ընդ որում, ըստ ՀՀ Ազգային վիճակագրական ծառայության պաշտոնական տվյալների, ապրիլին 2009թ. մարտի համեմատ այս ցուցանիշն աճել է 3,2 տոկոսով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |