KfW-ի վարկային միջոցները թույլ կտան արագացնել Հայաստանում փոքր ՀԷԿ-երի շինարարությունը

26 մայիսի 2010 - 21:27 AMT

PanARMENIAN.Net - Տվյալ պահին Հայաստանում լիցենզավորված են 142 փոքր ՀԷԿ-եր, որոնցից 70-ը գտնվում են շինարարության փուլում: Այդ մասին հաղորդել է Հայաստանի Փոքր ՀԷԿ-երի միության նախագահ Նաիրա Նահապետյանը միության 4-րդ խորհրդաժողովի ժամանակ: Նրա խոսքերով, KfW վարկային միջոցները թույլ կտան արագացնել Հայաստանում փոքր ՀԷԿ-երի շինարարությունը: Իր հերթին, խորհրդաժողովին ներկա ՀՀ ԿԲ նախագահի տեղակալ Վաչե Գաբրիելյանն ասաց, որ փոքր ՀԷԿ-երի զարգացումը ԿԲ ուշադրության կենտրոնում է: «2004-ին KfW բանկի կողմից ԿԲ-ին հատկացված 6 մլն եվրո վարկային միջոցները, փոքր ՀԷԿ-երի զարգացման և արդիականացման համար, հաջող կերպով բաշխվել են, և մենք հույս ունենք, որ ընթացիկ տարում ստացված միջոցները 18 մլն եվրոյի չափով շարունակելու են նպաստել ոլորտի զարգացմանը»,- ասել է նա, ավելացնելով, որ առևտրային բանկերը սեփական միջոցներից ևս ֆինանսավորում են ՀԷԿ-երի կառուցումը:

Բացի դրանից, Հայաստանում KfW բանկի ներկայացուցիչ Կարո Գևորգյանը հաղորդեց, որ ԿԲ-ն ընթացիկ տարվա հուլիսին կանցկացնի մրցույթ երկու-երեք բանկեր ընտրելու համար, որոնք կդառնան «Աջակցություն վերականգնվող էներգետիկային» ծրագրի գործընկերները:

Տվյալ պահին 6 բանկեր ակտիվ կերպով զբաղվում են Հայաստանում փոքր ՀԷԿ-երի վարկավորմամբ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով