344 խոշոր հարկատուներ 2010թ.-ի ապրիլ ամսին վճարել են Հայաստանում հավաքագրված հարկային եկամուտների 50.7 տոկոսը22 հունիսի 2010 - 13:02 AMT PanARMENIAN.Net - ՀՀ ԿԱ պետական եկամուտների կոմիտեի կողմից մշակվել և վերլուծության է ենթարկվել «Խոշոր հարկ վճարողների հարկային վճարումների մոնիտորինգի հրապարկման ենթակա 2010թ.-ի ապրիլ ամսվա ամփոփ ցուցանիշները» համաձայն ՀՀ ԿԱ ՊԵԿ նախագահի հրամանով հաստատված Խոշոր հարկ վճարողների հարկային տեսչության կողմից 2010թ.-ի ընթացքում սպասարկվող 344 հարկ վճարողների ցանկի, որի արդյունքում պարզվել է, որ բոլոր ցուցանիշների առումով 2010թ.-ի ապրիլ ամսին նախորդ տարվա ապրիլ ամսվա համեմատությամբ արձանագրվել է աճ: Պետական բյուջե վճարված հարկերի և այլ պարտադիր վճարների ցուցանիշի առումով 2010թ.-ի ապրիլին խոշոր հարկ վճարողների կողմից վճարվել է շուրջ 17.8 մլրդ. դրամ: Միաժամանակ, հարկ է նշել, որ նշված 344 կազմակերպությունների կողմից 2010թ.-ի ապրիլ ամսին վճարվել է հանրապետությունում հավաքագրված հարկային եկամուտների 50.7 տոկոսը: Համեմատության համար նշենք, որ «Զանգեզուրի պղնձամոլիբդենային կոմբինատ», «Արմենիան Քափըր Փրոգրամ», «Զվարթնոց Հենդլինգ», «Ինտերնեյշնլ Մասիս տաբակ», «Ի ԷՄ ԷՅՋ Քոնսթրաքշն», «Հայ-Ռուսական «ՀայՌուսգազարդ», «Արմենիա միջազգային օդանավակայաններ» ընկերությունների կողմից ընդհանուր առմամբ 2010թ.-ի ապրիլին նախորդ տարվա նույն ամսվա համեմատությամբ պետական բյուջե 3.1 մլրդ. դրամով ավել հարկային վճարումներ է կատարվել: Հարկային մարմնի կողմից 2010թ.-ի ապրիլին կատարվել են բյուջե հետ փոխհարաբերությունների ճշտության 60 ստուգումներ, որոնց արդյունքում առաջադրվել է բյուջե լրացուցիչ վճարման ենթակա գումարներ 89.8 մլն. դրամի չափով: Աշխատողների միջին ցուցակային թիվը 2010թ.-ի ապրիլին նախորդ տարվա նույն ամսվա համեմատությամբ մնացել է անփոփոխ և կազմել 110628 մարդ: Միաժամանակ, հարկ է նշել, որ զուգահեռաբար աճել է աշխատանքի վարձատրությանն ուղղված միջոցների ցուցանիշը և այս տարվա ապրիլին արձանագրվել է 15.9 տոկոս աճ նախորդ տարվա ապրիլ ամսվա նկատմամբ: 2010թ.-ի մայիսի 1-ի դրությամբ խոշոր հարկ վճարողներն ունեցել են 63.4 մլրդ դրամ գերավճար, այդ թվում` ավելացված արժեքի հարկի գծով` 43.9 մլրդ դրամ, իսկ հարկային պարտավորություն` 7.8 մլրդ դրամ: Միաժամանակ, հարկ է նշել, որ 2010թ.-ի ապրիլ ամսվա ընթացքում պետական բյուջեից հարկ վճարողների գերավճարների գումարներից ավելացված արժեքի հարկի վերադարձի ձևակերպում է կատարվել 1116.0 մլն. դրամի չափով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |