Առևտրային շաբաթվա ամփոփումը NASDAQ OMX Armenia-ի հարթակում

27 սեպտեմբերի 2010 - 12:58 AMT

PanARMENIAN.Net - FOREX արժույթի միջազգային շուկայում կատարվող իրադարձությունները չէին կարող չանդրադառնալ Հայաստանի արժութային շուկայի վրա: Այդ մասին ասվում է PanARMENIAN.Net ին տրամադրված FOREX CLUB-ի վերլուծական տեսության մեջ: Այդպիսով, անցած շաբաթ եվրոյի վաճառքի միջին կշռված փոխարժեքն աճել է 2,85 տոկոսով՝ հասնելով 493,50 դրամի:

ԱՄՆ դոլարի միջին կշռված արժեքը NASDAQ OMX Armenia բորսայում նախորդ շաբաթվա ընթացքում նվազել է 0,45 տոկոսով՝ հասնելով 361,97 դրամի: Սակարկությունների ծավալը մեկ շաբաթում կազմել է 10,95 մլն դոլար, ինչը 3,52 տոկոսով քիչ է, քան նախորդ շաբաթ: Արտարժույթի առաջարկի և պահանջարկի հավասարությունը պահպանվել է արտարժույթի ներհոսքի շնորհիվ, ինչը կապված է արտահանման ծավալների և արտասահմանից դրամական փոխանցումների ավելացման հետ: Կանխիկ դոլարի վաճառքի միջին փոխարժեքը անցած շաբաթվա ընթացքում Հայաստանում չի փոխվել և սեպտեմբերի 25-ի դրությամբ կազմել է 365,10 դրամ:

Ռուսական ռուբլու վաճառքի միջին փոխարժեքը աճել է 0,59 տոկոսով՝ հասնելով 11,93 դրամի մեկ ռուբլու դիմաց: Դա կապված է ԱՄՆ դոլարի հանդեպ ռուսական ռուբլու արժեքի աճի հետ՝ նավթի գների աճի ֆոնի վրա:

Անցած շաբաթ, NASDAQ OMX Armenia բորսայում գործարքներ են գրանցվել միայն ամերիկյան արտարժույթով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով