Ամերիաբանկը բացառիկ պայմաններ է ստեղծում իր պրեմիում հաճախորդների համար 8 դեկտեմբերի 2010 - 17:22 AMT PanARMENIAN.Net - Դեկտեմբերի 8-ին «Ամերիաբանկ» ՓԲԸ-ն նոր սրահ է բացել պրեմիում հաճախորդների համար: Նրանց համար ստեղծված են առանձնահատուկ պայմաններ, որոնք հնարավորություն են ընձեռում ազատ տնօրինել ժամանակը, օպտիմալացնել ռեսուրսների օգտագործումը, ստանալ անհատականացված մոտեցում, մշտապես իրազեկ լինել Բանկի նորամուծություններին, կարևոր իրադարձություններին, Բանկի ծառայությունների ֆորումներին, սեմինարներին և շնորհանդեսներին, ինչպես նաև մասնակցություն ունենալ Բանկի կողմից կազմակերպվող կամ ֆինանսավորվող բոլոր միջոցառումներին: Անհրաժեշտության դեպքում Ամերիաբանկի պրեմիում հաճախորդը կարող է սպասարկվել բանկային օրվա ավարտից հետո կամ անմիջականորեն իր գրասենյակում: Ինչպես հայտնել է «Ամերիաբանկ» ՓԲԸ-ի տնօրինության նախագահ, գլխավոր տնօրեն Արտակ Հանեսյանը, պրեմիում հաճախորդների համար մշակվել են մի շարք արտոնություններ և հատուկ սակագներ` Բանկի և գործընկեր կազմակերպությունների կողմից առաջարկվող ծառայությունների համար: Հանեսյանը հայտնել է նաև, որ ֆիզիկական անձանց թվում են շուրջ 100 մարդ, իրավաբանական անձանց թիվը հասնում է 120-ի: «Ամերիա Պրեմիում» սպասարկման փաթեթը կոչված է ընդգծելու հաճախորդի Պրեմիում կարգավիճակը Ամերիաբանկում և Ամերիա խմբի գործընկեր կազմակերպություններում: Փաթեթը ներառում է բարձրակարգ սպասարկում «Ամերիա Պրեմիում» սրահում, «Ամերիա Պրեմիում» քարտ, ծառայությունների և սակագների Պրեմիում փաթեթ: Պրեմիում սրահը նախագծվել է առանձնահատուկ հարմարավետություն ապահովելու նպատակով: Երկու սահմանափակ հասանելիությամբ մուտքերը հնարավորություն են ընձեռում առանձնանալ Բանկի ընդհանուր սպասարկման սրահից և միևնույն վայրում համատեղել սպասարկումը և Ամերիա խմբի ընկերությունների ղեկավարների հետ հանդիպումները: Պրեմիում հաճախորդները կարող են տեղում ստանալ մանրամասն խորհրդատվություն բոլոր բանկային ծառայությունների վերաբերյալ և իրականացնել ցանկացած բանկային գործառնություն, ներառյալ կանխիկով գործարքները: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |