2010 թվականին շահագործման կհանձնվի Հրազդանի ՋԷԿ-ի 5-րդ էներգաբլոկի շինարարությունը

10 հունվարի 2011 - 13:08 AMT

PanARMENIAN.Net - Հունվարի 10-ին հրավիրված ընդլայնված խորհրդակցության ընթացքում «ՀայՌուսգազարդ» ՓԲԸ-ի Վարչության նախագահ-գլխավոր տնօրենի ժամանակավոր պաշտոնակատար Վարդան Հարությունյանը ընկերության ստորաբաժանումներին հանձնարարեց ամփոփել և պատրաստել 2010թ. հաշվետվությունները, մասնավորապես, ֆինանսատնտեսական ցուցանիշների, գազաֆիկացման, ազդանշանային սարքավորումների տեղադրման և այլ ծրագրերի ուղղությամբ, ինչպես նաև ներկայացնել 2010 թվականի համալիր ծրագրերն ու ֆինանսական հոսքերի կանխատեսումները:

Ինչպես ասվում է ընկերության մամլո հաղորդագրության մեջ, հանձնարարվեց նաև ներկայացնել 2011թ. նախագծերը և կազմակերպել համապատասխան քննարկումներ: Հատուկ ուշադրություն դարձվեց ֆինանսական կարգապահությանն ու ծախսերի օպտիմալացմանն վերաբերող հարցերին, ինչպես նաև կորուստների նվազեցմանը:

Վարդան Հարությունյանը նշեց, որ ընկերության գործունեության և դինամիկ զարգացման առումով 2011 թվականը կարևորվում է հատկապես «Հրազդան 5»-ի շինարարության ավարտի ծրագրով: Էներգաբլոկը շահագործման կհանձնվի արդեն առաջիկն եռամսյակում: Այդ լայնածավալ ներդրումային ծրագրի իրականացման և ռազմավարական նպատակին հասնելու համար Հարությունյանն ընդգծեց արդեն այսօր էլեկտրաէներգիայի շուկայի ուսումնասիրման անհրաժեշտությունը:

Ինչ վերաբերում է կարգապահական հարցերին, ապա Վ.Հարությունյանը նշեց, որ ընթացիկ տարում կկատարվեն տրամադրվող ծառայությունների որակի բարձրացման համալիր աշխատանքներ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով