Եվրոպական ներդրումային բանկը 5 մլն եվրո կհատկացնի երևանյան մետրոյի արդիականացմանը

10 փետրվարի 2011 - 13:52 AMT

PanARMENIAN.Net - ԱԺ պատգամավորները փետրվարի 10-ին 80 «կողմ», 0 «դեմ» և 8 «ձեռնպահ» ձայներով վավերացրել են Եվրոպական ներդրումային բանկի հետ «Երևանյան մետրոպոլիտեն» ՓԲԸ-ի վերակառուցման առաջին փուլի մասին համաձայնագիրը:

Համաձայնագրի վավերացման մասին հարցի քննարկման ժամանակ ՀՀ ֆինանսների նախարար Վարդան Արամյանն ասել է, որ համաձայնագրին համապատասխան, որը ստորագրվել է 2010-ի օգոստոսի 10-ին, Եվրոպական ներդրումային բանկը 5 մլն եվրո է հատկացնելու երևանյան մետրոյի արդիականացմանը: Նրա խոսքերով, ծրագրի առաջին փուլը նախատեսվում է ավարտել 2012թ. վերջում: Միջոցները կուղղվեն Երևանի մետրոպոլիտենի շարժակազմի վերանորոգմանը, երկաթուղային գծերի վերականգնմանը, էլեկտրական համակարգի տարրերի վերականգնմանը: Կփոխարինվեն նաև տեխնիկական գնացքներն ու պոմպակայանները:

Դրա հետ կապված` Արամյանը հիշեցրել է, որ Եվրոպական ներդրումային բանկի կողմից հատկացված 5 մլն դոլարը ծրագրի առաջին փուլի ֆինանսավորման մասն է: Եվս 5-ական մլն եվրո տրամադրելու են ՎԶԵԲ-ը և ԵՄ գործընկերության ներդրումային հիմնադրամը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով