 ՀԿԵՈւ-ն 2011թ. չի բարձրացնի դեպի Բաթում ուղևորափոխադրումների սակագները 14 ապրիլի 2011 - 16:12 AMT PanARMENIAN.Net - «Հարավկովկասյան երկաթուղի» ՓԲԸ-ն 2011 թվականին չի բարձրացնի դեպի Բաթում ուղևորափոխադրումների սակագները: Այդ մասին Երևանում կայացած մամլո ասուլիսում հայտարարել է «ՀԿԵՈւ» ՓԲԸ-ի գլխավոր տնօրեն Շևքեթ Շայդուլինը: «Երևան-Բաթում-Երևան միջազգային արագընթաց գնացքի սակագները մենք թողել ենք 2010թ. մակարդակին: Տոմսերի արժեքի տատանումները կախված կլինեն միայն սակագնային արժույթի՝ շվեյացարական ֆրանկի տատանումներից»,-հայտարարել է նա: Շայդուլինը հավելել է, որ չնայած գնաճին, սակագնային քաղաքականության մշակման ժամանակ ընկերությունը հաշվի է առել բնակչության կառուցվածքն ու վճարողունակության մակարդակը, ինչպես նաև սեզոնային պահանջարկը: Շայդուլինը հավելել է նաև, որ եթե այնուամենայնիվ տեղի ունենա շվեյցարական ֆրանկի կտրուկ բարձրացում, նա որպես երկաթուղու գլխավոր պետ, միջոցներ կձեռնարկի, որպեսզի սակագինը մատչելի լինի Հայաստանի քաղաքացիների համար և մրցունակ տրանսպորտի այլ ձևերի հետ: Ինչ վերաբերում է տոմսերի այժմյան գներին, ապա, ըստ Շայդուլինի, դրանք հետևյալն են. ՆՎ-24 հազար դրամ, կուպե-13 հազար դրամ, կուպե առանց ծառայությունների-11,7 հազար դրամ, պլացկարտ-7,5 հազար դրամ:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Դորտմունդի «Բորուսիան» հետաքրքրված է Սպերցյանով  Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառըՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ըԵրևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցերԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |
