  Հայաստանում բացվել է խոշոր տրամաչափի խողովակների արտադրության առաջին գործարանը Հարավային Կովկասում  27 ապրիլի 2011 - 10:59 AMTPanARMENIAN.Net - Ապրիլի 27-ին Հայաստանի Արմավիրի մարզի Մերձավան գյուղում բացվեց խոշոր տրամաչափի խողովակների արտադրության` «Պոլիմեր Տրուբ» ԲԲԸ առաջին գործարանը Հարավային Կովկասում: Ինչպես բացմանը լրագրողներին է հայտնել գործարանի տնօրեն Արշակ Նալբանդյանը, գործարանի անհրաժեշտությունը պայմանավորված է նրանով, որ 1990 թվականից ի վեր Հայաստանում խոշոր տրամաչափի խողովակներ չեն ներկրվել, և առկա պաշարները սպառվել են: Նրա խոսքով, շուկայում ընկերության հետազոտությունները ցույց են տվել, որ Հայաստանը տարեկան 80-120կմ խոշոր տրամաչափի խողովակի կարիք է ունենում: Նա ընդգծել է, որ «Պոլիմեր Տրուբ» ԲԲԸ-ն պատրաստ է լիովին բավարարել այդ պահանջարկը: Նալբանդյանը հաղորդել է, որ հումքը ներկրվում է Սաուդյան Արաբիայից և ԱՄԷ-ից: Տնօրենը լրագրողներին պատմել է, որ խողովակները հիմնականում օգտագործվելու են ՀԷԿ-ի, ոռոգման համակարգի, կոյուղու, շինարարական աշխատանքների համար: «Գործարանում կաշխատեն 32 մասնագետներ և 12 տեխնիկական աշխատողներ, որոնց միջին աշխատավարձը կկազմի 200 հազ. դրամ»,- ասել է նա: Բացման հանդիսավոր արարողությանը ներկա էին Հայաստանի նախագահ Սերժ Սարգսյանը, Արմավիրի մարզպետ Աշոտ Ղահրամանյանը, Հայաստանի Կենտրոնական բանկի ղեկավար Արթուր Ջավադյանը: «Պոլիմեր Տրուբ» գործարանը հիմնադրվել է սիրիահայ եղբայրներ Արփին և Սուրեն Վարդանյանների կողմից: Գործարանի շինարարությունը սկսվեց 2009 թվականին, իսկ ներդրումների ընդհանուր գումարը կազմեց 5.8 մլն ԱՄՆ դոլար: Գործարանում կարտադրվեն 800, 1100, 1200, 1400մմ տրամաչափի խողովակներ` 15 մթնոլորտ ճնշմամբ, խողովակների օգտագործման ժամկետը 50 տարի է:  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
