 Արաքս Մանսուրյան.Պավարոտին ու Կալլասը կոչումներ չունեին. թող ես էլ չունենամ13 նոյեմբերի 2012 PanARMENIAN.Net - Մեր զրուցակիցն է սոպրանո Արաքս Մանսուրյանը, ով արդեն 16 տարի է՝ ապրում է Ավստրալիայում, սակայն երբեք կապը չի կտրում հայրենիքի հետ: Նա ամեն տարի գալիս է Հայաստան: Երգչուհին ասում է, որ մի օր ընդմիշտ կվերադառնա հայրենիք, եթե այստեղ տուն ունենա: Ինչո՞ վ եք զբաղված Ավստրալիայում Այս պահին դասավանդում եմ և շատ քիչ ելույթներ եմ ունենում, որովհետև դասավանդմանը զուգահեռ երգելու էներգիան և ժամանակը չի հերիքում: Ձայնը «նախանձ» գործիք է: Եթե չսիրես, չփայփայես, չհետևես, այն քեզ չի ծառայի: Ես այն ուսանողներին եմ տալիս: Այս պահին ունեմ ուսանողներ, ում ապագան հստակ տեսնում եմ: Վեց աշակերտներս տարբեր երկրներում արդեն երգում են: Դա իմ ուրախությունն է. տալ և ստանալ: Իսկ որտե ՞ ղ եք ելույթ ունենում Ինստիտուտը որտեղ դասավանդում եմ, կիրակի օրերը կազմակերպում է համերգներ պատկերասրահում: Այդտեղ եմ երգում: Անցած տարի 2 համերգ ունեցա, մեկը Սիդնեյում` Արամ Խաչատրյանի անվան տրիոյի հետ, նրանց հյուրախաղերի ընթացքում, մյուսը՝ Մելբուռնում: Հայերը ներկա ՞ են ձեր համերգներին Այն տարիներին, երբ երգել եմ Սիդնեյի օպերայում, շատ քիչ հայեր են եղել դահլիճում: Հիմնականում օտարների համար եմ երգել: Պատկերասրահում ունենում եմ համերգներ, որտեղ հայերը գալիս են: Հայերի հետ շատ չեմ առնչվում:Ունեմ մեկ- երկու բարեկամ, որոնց հետ շփվում եմ: Որ մտնում ես աշխատանքի մեջ, խրվում ես, մոռանում ես և ժամանակ չես ունենում շփվելու: Դասավանդում ե ՞ ք Կոմիտաս Ձեր աշակերտներին Իհարկե: Իմ բոլոր ուսանողները պարտադիր երգում են Կոմիտաս: Սա իմ գործն է` օտար ուսանողների հոգու մեջ տարածել Կոմիտաս: Իսկ լեզվական խնդիրներ չե ՞ ն ծագում Ունենում են, բայց աշխատում են, ձայնագրում են, կարդում են: Կոմիտասյան երգերում բառեր կան, որ շատ դժվար է թարգմանել: Ինչպե ՞ ս ասես «Քելեր ցոլեր իմ յարը»: Ես, իհարկե, ելքը գտնում եմ: Կոմիտասի երգերը բոլորն են ընկալում: Ամեն անգամ, երբ ասում են «ինչ գեղեցիկ է», սիրտս թրթռում է և ինձ ուժ է տալիս: Ուսանողներս խնդրում են, որ սովորեցնեմ երգել: Նույնիսկ հեռախոսում ունեմ ինդոնեզացի ուսանողուհուս ձայնագրությունը: Նա քննությանը երգել է «Քուն եղիր բալաս» և «Զուլո» երգերը: Կոմիտասը սիրվում է: Մյուս ուսանողուհուս` Լիսա Բելլի կատարմամբ «Կռունկը» հրաշալի են ընդունում: Շատերն ասում են, որ մշակույթը առանց քաղաքականության պետք է լինի: Դուք ի՞նչ կասեք այս մասին Ինչպե՞ս է Կոմիտասը հնչեցրել մեր մշակույթը: Դրանով են ճանաչել մեր երկիրը: Ես ինքս քաղաքականության մեջ չկամ, բայց երբ արվեստը մտցնում ես օտարների ականջն ու հոգին, դա արդեն քաղաքականության մասնիկ է: Դու ներկայացնում ես քո երկիրը արվեստի միջոցով, ասում ես, թե ով ես: Դա քո ստորագրությունն է: Դուք այսքան մեծ ուղի եք անցել, սակայն չունեք ոչ մի կոչում: Ինչու ՞ Այս հարցից, ճիշտն ասած, հոգնել եմ: Ես ունեմ մեկ կոչում, որն ինձ համար շատ թանկ է: Դա Սփյուռքի նախարարության Կոմիտասի շքանշանն է: Ես կոմիտասյան շատ երգերի առաջին կատարողն եմ եղել: Կոմիտասյան «Անուշ» անավարտ օպերայի առաջին և միակ կատարողն եմ, և կարծում եմ՝ արժանի եմ այդ շքանշանին: Ես ինձ սփոփում եմ միայն նրանով, որ Մարիա Կալլասը կոչում չուներ, Պավարոտին չուներ: Կալլասը Կալլասն էր, Պավարոտին Պավարոտին էր: Իհարկե, մեր համակարգի մեջ դա կարևոր բան է, ու մարդիկ կան, որ Հայստանում չեն ապրում, բայց ունեն բազմաթիվ կոչումներ: Ավելի լավ է այս մասին չխոսենք: Ես ուրախ եմ այսպես, իրենք թող մտածեն: Հայաստան վերադառնալու ցանկություն չունե ՞ ք Այս հարցն ինձշատ են տալիս: Ասում եմ՝ այո: Բայց մտածում եմ, որ մի անկյուն պետք է ունենամ, որպեսզի գամ: Չեմ կարող գալ և հյուրանոցում ապրել: Հուսամ, որ անկյուն կունենամ, և կգամ: Դա ինձ համար կարևոր խնդիրն է: Ուսանողներիցս շատերն են ասում, որ կգան Հայաստան, եթե ես էլ գամ:Սոնա Խաչատրյան / PanARMENIAN News  |  Այլ հարցազրույցներ Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
Ուշադրության կենտրոնում
Հոդվածներ. Մշակույթ
