Յուկիա Ամանո. Մեր գործակալությունը պարտավորված է օժանդակել Հայաստանին18 ապրիլի 2012 - 18:42 AMT PanARMENIAN.Net - Վարչապետ Տիգրան Սարգսյանն ընդունել է Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Յուկիա Ամանոյին: «Հայաստանը շահագրգռված է էլ ավելի խորացնել ՄԱԳԱՏԷ-ի հետ ձևավորված արդյունավետ համագործակցությունը: Կառավարությունը մեծ ուշադրություն է դարձնում ատոմային էներգաբլոկի շահագործման անվտանգության ապահովմանը: Ֆուկուսիմայի ատոմակայանում տեղի ունեցած դեպքերից հետո մեր երկիրն առաջիններից մեկն էր, որ ընդունեց միջազգային փորձագետների խումբ՝ Մեծամորի ատոմակայանի անվտանգությունն ուսումնասիրելու համար»,- ասել է վարչապետը: Կառավարության ղեկավարը շնորհակալություն է հայտնել Յուկիյա Ամանոյին՝ համագործակցության և օժանդակության համար, հայտնում է կառավարության մամլո ծառայությունը: Տիգրան Սարգսյանը տեղեկացրել է, որ Հանրապետության նախագահի գլխավորությամբ գործում է ատոմային էներգիայի անվտանգության խորհուրդ և միջուկային անվտանգության խնդիրը գտնվում է վերջինիս մշտական ուշադրության կենտրոնում: ՄԱԳԱՏԷ-ի գլխավոր տնօրենը նշել է, որ Հայաստանը կարևոր գործընկեր է հանդիսանում իր գլխավորած կառույցի համար, որովհետև այն ունի գործող ատոմակայան և ծրագրում է կառուցել նորը: «Դուք ծրագրում եք երկարացնել գործող ատոմակայանի գործունեության ժամկետը, այնուհետև կանգնեցել այն և շահագործումից հանել: Բոլոր այս փուլերում մեր գործակալությունը պարտավորված է օժանդակել Հայաստանին՝ այդ աշխատանքները սահուն և հարթ կերպով իրականացնելու համար: Ցանկանում եմ գովեստի խոսքեր հղել Ձեր կառավարությանը՝ փորձագիտական խմբին Մեծամորի ատոմակայան հրավիրելու և այդ աշխատանքների հաշվետվությունը ՄԱԳԱՏԷ-ի անդամ բոլոր երկրներին հասանելի դարձնելու համար»,- ասել է Յուկիա Ամանոն: Անդրադառնալով ատոմային նոր էներգաբլոկի կառուցմանը՝ ՄԱԳԱՏԷ -ի նախագահն ասել է, որ համատեղ պետք է ներդնել բոլոր ջանքերը այդ աշխատանքների թափանցիկության բարձր մակարդակ ապահովելու համար: Վարչապետ Սարգսյանը վստահեցրել է, որ Հայաստանը շահագրգռված է դրանում և պատրաստ է հետագայում ևս գործել թափանցիկ և բաց կերպով: Միաժամանակ, գործադիրի ղեկավարը տեղեկացրել է, որ արդեն իսկ հաստատվել է գործող ատոմակայանի շահագործման ժամկետի երկարաձգման և անվտանգության ապահովման միջոցառումների ժամանակացույցը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |