Ապրիլի 30-ին Հայաստանի պետական ֆիլհարմոնիկ նվագախումբը ներկայացնելու է Թավջութակի և դաշնամուրի դուետի երեկո:

Երեկոյին համաշխարհային մեծության կոմպոզիտորների ստեղծագործությունները կկատարեն ֆրանսաբնակ դաշնակահարուհի Վարդուհի Երիցյանը և թավջութակահար Լևոն Առաքելյանը:

«Դեռ ուսանողական տարիներից ենք ելույթ ունեցել Վարդուհու հետ: Համատեղ համերգի գաղափարն առաջացել էր դեռ անցած տարի, սակայն իրականանում է հիմա»,- PanARMENIAN.Net ի թղթակցի հետ զրույցում պատմեց Առաքելյանը:

Համերգում հնչելու են Բեթհովենի և Բրամսի սոնատները, ինչպես նաև «Պիես ժողովրդական ոգով»-ը: Բոլոր երեք գործերն էլ կոմպոզիտորների ուշ շրջանի գործերից են և համարվում են գլուխգործոցներ:

Համերգը տեղի է ունենալու Արամ Խաչատրյան համերգասրահում:

Լևոն Առաքելյանը ծնվել է 1981 թ-ին: Ավարտել է Կոմիտասի անվան պետական կոնսերվատորիան, պորֆեսոր Ա. Թալալյանի մոտ: Նվագել է «Նաիրի» քառյակում, այժմ Հայաստանի պետական ֆիլհարմոնիկ նվագախմբի և հայ-վրացական Convergence ժամանակակից երաժտության համույթի երաժշիշտ է: Ելույթ է ունեցել այնպիսի երաժշիտների հետ, ինչպիսիք են Սերգեյ Խաչատրյանը, Դաիշին Կաշիմոտոն, Աշլի Ուոսսը և այլոք: Համագործակցում է նաև դաշնակահարներ Արթուր Ավանեսովի և Հայկ Մելիքյանի հետ:

ՎարդուհիԵրիցյանը ծնվել է երաժիշտների ընտանիքում: Սկզբնական երաժշտական կրթությունը ստացել է Երևանի Չայկովսկու անվան միջնակարգ դպրոցում: Այնուհետև ուսումը շարունակել է Փարիզի Պետական բարձրագույն կոնսերվատորիայում:

Մասնակցել է բազմաթիվ հանրահայտ երաժիշտների վարպետության դասերին:

2005 թվականին պրոֆեսոր Grigitte Engagerer հետ նվագել է Flaneries Musicales de Reims փառատոնի ժամանակ:

Վարդուհի Երիցյանը մասնակցել է Festival Pablo Casais de Prades, Festival de la Roque d Antheron, festival du Touquet, festival d Engein-les Bains, Annecy Festival-Estival, Gelderse Musiek Zomer , Amman en musique և այլ փառատոներին.: Ունի բազմաթիվ ձայնագրություններ և մի շարք մրցույթների դափնեկիր է: