Գևորգ Հարությունյան. Արմավիրում ցորենի «գաճաճ» բերքի պատճառն անձրևների սակավությունն է17 մայիսի 2012 - 15:17 AMT PanARMENIAN.Net - Գյուղատնտեսության նախարարությունը փորձագետների խումբ է գործուղել Արմավիրի մարզի Նոր-Կեսարիա համայնք, որպեսզի պարզեն օրերս բնակիչներից ստացած ահազանգի մանրամասներն այն մասին, թե ինչու է կառավարության կողմից 2011-ին տրամադրած ցորենի սերմացուն «գաճաճ» բերք տվել: Այս մասին այսօր լրագրողների հետ հանդիպմանն ասաց գյուղատնտեսության նախարարության բուսաբանության, անտառային տնտեսության և բույսերի պաշտպանության վարչության պետի ժամանակավոր պաշտոնակատր Գևորգ Հարությունյանը` հավելելով, որ նախարարության աշխատակիցներն արդեն պարզել են, թե խնդիրն ինչումն է: «Պատճառները եղանակային են: Անձրևները տևական չեն, խոնավությունը համապատասխան չի եղել, և բույսը ծարավ լինելով չի հասցրել նորմալ աճ տալ, ու դրա հետևանքով կարճ հասակում արդեն ձևավորվել է: Դա է խնդիրը», - իր խոսքում նշեց Հարությունյանը: Բանախոսը նաև հավելեց, որ սերմացուները ներկրվել էին Ռուսաստանի Դաշնության այն նույն կազմակերպությունից, որտեղից բերվել էին անցյալ տարի և տվել գերազանց արդյունք: «Սերմացուի անորակ լինելու մասին խոսք չի կարող լինել: Դրանք բոլորը ստուգվել են Հայաստան ներմուծվելուց և նորմալ ծլունակություն են ունեցել: Ստուգումները կատարել է Սերմերի գործակալություն ՊՈԱԿ-ը», - ասաց մասնագետը: Հարությունյանը նաև հավելեց, որ դեռ պարզ չէ, թե հարցն ինչ լուծում կստանա, քանի որ «նախարարությունում դեռ չեն հասցրել այն քննարկել, ահազանգը երկու-երեք օր առաջ է ստացվել»: 2011 թ. կառավարությունը գյուղացիական տնտեսություններին «ապառիկով» կարտոֆիլի, գարու և ցորենի սերմացու էր տրամադրել: Հավատալով խոստումներին` Նոր Կեսարիայի բնակիչները ձեռք էին բերել սերմացու: Աշնանը ցորենը ցանվել է և այժմ, երբ հասկերն արդեն մեծացել են` գյուղացիները պարզել են, որ խոստացված բարձր բերքի մասին մտածել անգամ հնարավոր չէ: Պատճառը պարզ է. Արարատյան հարթավայրում տեղական ցորենն արդեն բարձրացել է 30-40 սմ ու դեռ հասկ չի տվել, իսկ ներմուծվածը` 20-25 սմ-ից արդեն իսկ հասկ է տվել: Արմավիրի մարզի Նոր-Կեսարիա համայնքի բնակիչները համոզված են, որ ներմուծված ցորենի հասկերն էլ չեն բարձրանա և գաճաճ հասկեր կմնան, իսկ այդ պարագայում բերքահավաքն անհնար կլինի: Ըստ գյուղացիների, անգամ եթե բարձր բերքատվությունն ապահովվի, կեսից ավելի կորուստ կլինի, քանի որ կոմբայնի դանակը գաճաճ ցորենը կտրելու հնարավորություն չունի: Իսկ գյուղացին բերքահավաքից հետո սերմացուի գինը պետք է կրկնակի վերադարձնի: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ավագանու անդամները չեն կարողանա համատեղել իրենց պաշտոնը հանրային պաշտոնի և ծառայության հետ Նախագիծն ընդունվել է առաջին ընթերցմամբ Անհայտ անձը թմրամիջոց է առաջարկել աշակերտուհուն․ Կալանավորված կա Դեպքը տեղի է ունեցել Արարատ քաղաքի դպրոցներից մեկում ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ Սիմոնյան. Անընդունելի է, երբ եկեղեցականը, եկեղեցին զբաղվում են քաղաքականությամբ՝ քաղաքականությունն առևտուր է «Անտարբեր նայելը և քաղաքական գործունեությամբ զբաղվելը տարբեր բաներ են»,–ասել է նա |