«Առէկսիմբանկ - Գազպրոմբանկի խումբ» ՓԲԸ հաճախորդները վաղվանից կարող են օգտվել Էլեկտրոնային առևտրի ծառայությունից 5 հունիսի 2012 - 17:01 AMT PanARMENIAN.Net - «Առէկսիմբանկ-Գազպրոմբանկի խումբ» ՓԲԸ առաջին բանկն է Հայաստանում, որը հավաստագրվել է Visa ընկերության կողմից` ինտերնետի համաշխարհային ցանցում միջազգային վճարման քարտերի էքվայրինգ իրականցնելու նպատակով:«Ինտերնետ-էքվայրինգը Հայաստանի համար նշանակալի է այն առումով, որ այն կնպաստի երկրում էլեկտրոնային առևտրի հատվածի զարգացմանը, ինչպես նաև կօգնի առևտրի և սպասարկման ձեռնարկություններին մուտք գործել էլեկտրոնային առևտրի համաշխարհային շուկա, իսկ հաճախորդներին` առավել ակտիվ օգտագործել իրենց քարտերը»,-հունիսի 5-ին Երևանում կայացած մամլո ասուլիսի ժամանակ հայատարարել է «Առէկսիմբանկ-Գազպրոմբանկի խումբ» ՓԲԸ գլխավոր տնօրեն Արմեն Խանդկարյանը: Ըստ նրա, բանկի համագործակցությունը միջազգային վճարային համակարգի հետ երկար պատմություն ունի, երբ «Առէկսիմբանկ-Գազպրոմբանկի խումբ» ՓԲԸ դարձավ Հայաստանում այս վճարային համակարգի առաջին կիրառողը և սկսեց Visa քարտերի արտադրություն: «Արդեն 10 տարի է մենք փորձում ենք նոր արտադրանք մատուցել: Շատ կարևոր էր, որ զուտ տեխնոլոգիական առումով, բանկն այնքան պատրաստ էր, որ կրկին հանրապետությունում դարձավ այդ ծառայությունը մատուցող առաջին բանկը, որն արդեն վաղվանից հասանելի կլինի մեր հաճախորդներին»,-ընդգծել է նա: Ինչպես հաղորդել է Արմեն Խանդկարյանը, այսօրվա դրությամբ բանկում կա Visa քարտերից օգտվող մոտ 80 հազար հաճախորդ: Բանկն իրականացնում է նաև աշխատավարձերի հետ կապված մոտ 150 նախագծեր, իսկ այդ ոլորտում կուտակված փորձը թույլ կտա բանկին առաջատար դիրք զբաղեցնել մրցունակության դաժան պայմաններում: Իր հերթին ԱՊՀ երկրներում (Հայաստան, Վրաստան և Մոլդովա) Visa բիզնեսի զարգացման գծով տնօրեն Իրինա Կամխաձեն հավելել է, որ ինտերնետ-էքվայրինգի նոր ծառայության ներդրումը ոչ միայն նոր հնարավորություններ կբացի հայկական ընկերությունների առջև` հանրապետության սահմաններից դուրս էլեկտրոնային առևտուր իրականացնելու համար, այլ նաև լավ խթան կհանդիսանա երկրի ներսում ևս այն զարգացնելու համար: Մասնագետը կարևորություն է տվել բանկի հաճախորդների և գործընկերների շրջանում ֆինանսական գրագիտության մակարդակի բարձրացմանը, ինչին և ուղղված են Visa-ի ջանքերը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Տավուշը հանուն հայրենիքի»․ Ժամը 15:30-ին լինել նշված վայրերում, խաղաղ երթով շարժվել Ազատության հրապարակ Նպատակն է ցույց տալ ժամանած հյուրերին, որ «ՀՀ վարչապետը տարածքներ հանձնելու համար երկրում լեգիտիմություն չունի» Տավուշում սահմանազատված հատվածների արձանագրության ստորագրման ժամկետը լրանում է Հստակ չէ նաև հարցը, թե արդեն իսկ սահմանազատված հատվածներից Հայաստանի Զինված ուժերն արդեն պետք է ե՞տ քաշվեն, թե՞ դեռ ոչ Գրավյալ Արցախում տոնելու են ռուս խաղաղապահների դուրսբերումը․ Հանդիսավոր արարողություն է լինելու Հարթակում, որտեղ անցնելու է միջոցառումը, տեղադրված են Ադրբեջանի և ՌԴ դրոշներ Մի դրամի ուժն ամփոփում է «Դասավանդիր, Հայաստանի» հետ երկամյա ծրագիրը Ընկերություններին այցի ժամանակ միացել էր նաև Իդրամ Ջունիորը՝ իր հետ բերելով ինտելեկտուալ խաղ երեխաների համա |