Հունիսի 10-ին Երևանում կկայանա «Կորեական ռապսոդիա» համերգային ծրագիրը 9 հունիսի 2012 - 12:31 AMT PanARMENIAN.Net - Հունիսի 10-ին Երևանում կկայանա համերգ` նվիրված Հայաստանի Հանրապետության և Կորեայի միջև դիվանագիտական հարաբերությունների հաստատման 20-ամյակին: «Կորեական ռապսոդիա» համերգային ծրագիրը կանցկացվի Հակոբ Պարոնյանի անվան երաժշտական կոմեդիայի պետական թատրոնում: Ելույթ կունենան Կորեայի «Սլգիդունգ» հանրահայտ երաժշտական համույթը և Դրիֆթերզի անդամներից բաղկացած աշխարհի ամենանշանավոր և մրցանակակիր «Բիբոյ» մարտարվեստի «Կորեական նախագիծ» պարային համույթը: Համերգի նպատակն է մշակույթի միջոցով խթանել երկու պետությունների բարեկամությունն ու զարգացնել մշակութային կապերը: Կորեական հիմնադրամի մոսկովյան գրասենյակի նախագահ Քիմ Հուեգիլը հունիսի 9-ին լրագրողների հետ հանդիպման ժամանակ նշեց, որ այդ համերգը հիմք կհանդիսանա 2 ժողովուրդների բարեկամության հաստատման համար: «Երևանում հանդես կգան կորեական 2 ամենահայտնի խմբերը, նրանք կներկայացնեն ազգային և ժամանակակից երաժշտություն և պարեր: Հույս ունեմ, որ հայերը կճանաչեն և կսիրեն մեր մշակույթը»,- ասաց Հուեգիլը: Համերգի կազմակերպիչ և «Սլգիդունգ» համույթի ղեկավար Չոն Մույոնգն էլ նշեց, որ կորեացիներն ու հայերը երկար ու խորը պատմություն և մշակույթ ունեն, և այս համերգը կօգնի ավելի լավ ճանաչել միմյանց: «Երկրների հարաբերությունների համար 20 տարին երիտասարդության և ավյունի ժամանակահատված է: Հույս ունեմ, որ մեր երկու երկրների փոխհարաբերությունները կշարունակվեն և խոր արմատներ կունենան»,- ասաց Հայաստանի մշակույթի նախարարության ժամանակակից արվեստի վարչության պետ Սեյրանուհի Գեղամյանը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |