Ռուսաստանը հանդես է գալիս Սիրիայում ՄԱԿ-ի դիտորդների թվի ավելացման կողմից: Այդ մասին այսօր հայտնել է ՌԴ ԱԳ նախարար Սերգեյ Լավրովը՝ ամփոփելով Ժնևյան խորհրդաժողովը:
«ՄԱԿ-ի ոչ մեծ առաքելության ուսերին հսկայական բեռ է ծանրացած: Մենք այդ առաքելությունը քանակապես ավելացնելու կողմից ենք»,- ասել է նա:
Ինչպես հաղորդում է ԻՏԱՐ-ՏԱՍՍ-ը, դրա հետ մեկտեղ նախարարը նշել է, որ «Սիրիայի ընդդիմության և իշխանությունների զինված ուժերի դուրսբերումը քաղաքներից լրջագույն, ծանրագույն խնդիր է՝ հատկապես հաշվի առնելով երկու կողմերից իրադրության ծայրահեղականացման աստիճանը»:
«Մենք կսպասենք Քոֆի Աննանի, գեներալ Մուդի (դիտորդների առաքելության ղեկավարի) խորհրդատվություններին այն առնչությամբ, թե ինչպես են նրանք տեսնում լարվածության մարումը յուրաքանչյուր բնակավայրում»,- հավելել է նախարարը:
