Արևմտյան երկրների կողմից պատրաստված ՄԱԿ-ի ԱԽ որոշման նախագիծը, Սիրիայի իշխանություններին տալիս է 10 օր ժամանակ` ռազմական գործողությունները դադարեցնելու համար, հաղորդում է Lenta.ru-ն:

Հակառակ դեպքում, սիրիական կառավարության նկատմամբ կընդունվեն տնտեսական և քաղաքական պատժամիջոցներ:

ՄԱԿ-ի ԱԽ-ում որոշման նախագծի վերաբերյալ քվեարկությունը ծրագրվում է անցկացնել հուլիսի 20-ից ոչ ուշ: Այս փաստաթղթի քննարկումը, ինչպես նաև Ռուսաստանի կողմից առաջարկված Սիրիայի վերաբերյալ որոշման նախագծինը, կսկսվի հինգշաբթի` հուլիսի 12-ին:

Ռուսաստանը հայտարարել է, որ չի ընդունի որոշման բանաձևը, որը նախատեսում է նոր պատժամիջոցներ: