2012թ հունիսին տնտեսական ակտիվության տարեկան ցուցանիշը Հայաստանում կազմել է 9.3 տոկոս

20 հուլիսի 2012 - 17:25 AMT

PanARMENIAN.Net - 2012թ հունիսին 2011-ի նույն ժամանակահատվածի համեմատ Հայաստանում տնտեսական ակտիվության տարեկան ցուցանիշը կազմել է 9.3 տոկոս: Ընդ որում, ինչպես հաղորդում է Հայաստանի Վիճակագրական ծառայությունը, հունիսին 2012թ մայիսի համեմատ այս ցուցանիշն ավելացել է 10.18 տոկոսով:

Միաժամանակ հունվար-հունիսսն 2011-ի նույն ժամանակահատվածի համեմատ հանրապետությունում տնտեսական ակտիվության ցուցանիշը ավելացել է 7.8 տոկոսով:

2012թ հունիսին 2011-ի նույն ժամանակահատվածի համեմատ Հայաստանում սպառողական գներն աճել են 0.7 տոկոսով, ընդ որում, ամսական կտրվածքով գրանցվել է 1.3 տոկոս դեֆլյացիա:

Միևնույն ժամանակ 2012թ հունվար-հունիսին 2011-ի նույն ժամանակահատվածի համեմատ գնաճը կազմել է 2.2 տոկոս:

Ի տարբերություն ՀՆԱ ցուցանիշի, տնտեսական ակտիվության ցուցանիշը հաշվարկվում է ըստ իրականացված տնտեսական գործունեության տեսակների, այլ ոչ թե ավելացված արժեքի ծավալների հիման վրա, և չի պարունակում մաքուր արտադրական հարկեր և ֆինանսական միջնորդության ծառայություններ:

2012-ին Հայաստանում բյուջեի տնտեսական աճը նախատեսվում է 4.2 տոկոսի մակարդակում, իսկ ինֆլյացիան` 4±1,5 տոկոսի:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով