Հունիսին միջին ամսական աշխատավարձը Հայաստանում աճել է 8,6 տոկոսով` կազմելով 126 045 դրամ

20 հուլիսի 2012 - 16:05 AMT

PanARMENIAN.Net - Հայաստանում 2012 թվականի հունիսին միջին ամսական անվանական աշխատավարձը 2011-ի նույն շրջանի համեմատ աճել է 8,6տոկոսով` կազմելով 126 045 դրամ: Ընդ որում ամսական կտրվածքով աշխատավարձի ցուցանիշը աճել է 4,5 տոկոսով: Միաժամանակ 2012թ. հունվար-հունիսին 2011-ի նույն ժամանակահատվածի համեմատ աշխատավարձի աճը կազմել է 6,2 տոկոս` հասնելով 117 621 դրամի:

Ինչպես հաղորդում է Հայաստանի Ազգային վիճակագրական ծառայությունը, պետական կազմակերպություններում 2012թ. հունիսին աշխատավարձը 2011-ի նույն շրջանի համեմատ աճել է 5,5 տոկոսով` կազմելով 96 929 դրամ, իսկ ամսական կտրվածքով աճը կազմել է 3,2 տոկոս: Ընդ որում 2012թ. հունվար-հունիսին 2011թ. նույն ժամանակահատվածի համեմատ պաշտոնյաների աշխատավարձի աճը կազմել է 5 տոկոս` հասնելով 93 265 դրամի:

Ոչ պետական կազմակերպություններում աշխատավարձի աճը հունիսին կազմել է 10,7 տոկոս` հասնելով 159 772 դրամի: Ընդ որում 2012թ. հունիսին մայիսի համեմատ գրանցվել է 5,4 տոկոս աճ: Միաժամանակ 2012թ. հունվար-հունիսին 2011թ. նույն հատվածի համեմատ աշխատավարձերի աճը կազմել է 6,9 տոկոս` հասնելով 146 426 դրամի:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով