Սիրիայում շարունակվում է Հալերպի գնդակոծությունը, որի համար մարտերը սկսվել են հուլիսի 28-ին: Այդ մասին հայտնում է Բի-բի-սին, սիրիացի փախստականների վրա հղումով, որոնք ժամանում են Թուրքիա: Միևնույն ժամանակ Թուրքիայի իշխանությունները պատրաստակամություն են հայտնել զինված ուժ կիրառել, եթե դա պահանջվի, թույլ չտալու համար, որ քիմիական զենք կիրառվի, ինչպես դա եղավ իրաքյան Հալաբջիում:
Պաշտոնական Դամասկոսը հայտնում է, որ Սալադին թաղամասում զինյալների դեմ գործողություն է ընթանում, նրանք կհետապնդվեն մինչև որ Հալեպն ազատվի զինյալներից:
Մինչդեռ, կառավարական ուժերի գործողություններն ըմբռնումով չեն ընկալվում միջազգային հանրության կողմից: Մասնավորապես, ԱՊԼ նախագահ Էլ Արաբին սիրիական բանակի գործողություններն անվանել է ռազմական հանցագործություն, իսկ Ֆրանսիան, որը օգոստոսի 1-ին կստանձնի նախագահությունը ՄԱԿ ԱԽ-ում, մտադիր է արտահերթ նիստ գումարել: